ޑިމޮކްރެޓްްސްއަށް އެނަން ދެވިގެން ނުވާނެ، މައްސަލަ ޖައްސަން ޖެހޭ: ޖާބިރު
ރައީސް މުޙައްމަދު ނަޝީދު އިސްވެ ހުންނަވައި އުފެއްދެވި، ދަ ޑިމޮކްރެޓްސްއަށް އެ ނަން ދެވިގެން ނުވާނެ ކަމަށް ކާށިދޫ ދާއިރާގެ މެމްބަރު ޖާބިރު ވިދާޅުވެއްޖެއެވެ.
ސަންގު ޓީވީގެ ޚަބަރަށްފަހު ޕްރޮގްރާމްގައި ވާހަކަ ދައްކަވަމުން ޖާބިރު ވިދާޅުވީ، މޯލްޑިވިއަން ޑިމޮކްރެޓިކް ޕާޓީއެއް ރާއްޖޭގައި މިހާރުވެސް އެބައޮތް ކަމަށާއި، "ޑިމޮކްރެޓް" އެ ބަސް އިތުރު ސިޔާސީ ޕާޓީއެއްގައި ބޭނުން ނުކުރެވޭނެ ކަމަށެވެ.
ޖާބިރު ވިދާޅުވީ، މިއީ އެމްޑީޕީގެ މެމްބަރުން ވަގުތުން ވަގުތަށް އިލެކްޝަންސް ކޮމިޝަނަށް މައްސަލަ ވެސް ހުށަހަޅަންޖެހޭނެ ކަމެއް ކަމަށެވެ.
ރައީސް އިބްރާހީމް މުޙައްމަދު ޞާލިޙަށް ރިޔާސީ އިންތިޚާބު ކާމިޔާބު ކޮށްދިނުމަށްޓަކައި ޑޮލަރު ބަހާނެ ކަމަށް ޖާިބިރު ވިދާޅުވި ވާހަކައަށް ޑިމޮކްރެޓްސްއިން ފާޑުކޔުމާ ގުޅޭގޮތުން ސުވާލު ކުރުމުން ޖާބިރު ވިދާޅުވީ، ރިޝްވަތާއި ޔޫއެސް ޑޮލަރު އެއްގޮތް ނުވާނެ ކަމަށެވެ. އަދި "ޑޮލަރުން ތަޅާނެ ކަމަށް" ވިދާޅުވި ވާހަކަ ޖާބިރު ވަނީ ތަކުރާރު ވެސް ކުރައްވައިފައެވެ.
ޖާބިރު އިތުރަށް ވިދާޅުވީ ރާއްޖެ އަކީ އިސްލާމީ ޤައުމެއް ކަމަށް ވުމާއިއެކު، ރާއްޖޭގައި ރިޝްވަތު ނުނަގާނެކަން ޑިމޮކްރެޓްސްއަށް އެނގެން ޖެހޭ ކަމަށެވެ.
