ރަޝިއާ ސަފީރު، ޑިފެންސް މިނިސްޓަރާއި ބައްދަލު ކުރައްވައިފި
ރަޝިއާއިން ދިވެހި ރާއްޖެއަށް ކަނޑައަޅުއްވާފައި ހުންނަވާ ސަފީރު، ލެވަން ދެޒްހަގްރޭން ޑިފެންސް މިނިސްޓަރު، މާރިޔާ އަޙުމަދު ދީދީގެ އަރިހަށް އިޙްތިރާމްގެ ޒިޔާރަތެއްކުރައްވައިފިއެވެ.
މިނިސްޓރީ އޮފް ޑިފެންސްގައި ބޭއްވެވި މި ބައްދަލުކުރެވުމުގައި ދެ ބޭފުޅުން ވަނީ ރާއްޖެއާއި ރަޝިޔާއާ ދެމެދުއޮތް ގުުޅުމާއި ގުޅޭގޮތުން މަޝްވަރާކުރައްވާފައެވެ. އަދި ރާއްޖެ އާއި ރަޝިޔާ އާއި ދެގައުމުގެ ދެމެދުގަައިވާ ގުޅުން ބަދަހި ކުރުމަށް ކުރެވެން ހުރި މަސައްކަތަކާއި ގުޅޭގޮތުން މަޝްވަރާކުރައްވާފައިވެއެވެ.
ރަޝިޔާ ސަފީރު ވަނީ ފޮރިން މިނިސްޓަރ ޝާހިދާއި ވެސް ބައްދަލުކުރައްވާފައެވެ.
މި ބައްދަލުކުރެއްވުމުގައި ސަފީރު ވަނީ މިނިވަން ދުވަހުގެ ހެޔޮއެދުމާއި ތަހުނިޔާ ރަޝިޔާގެ ރައީސް ވްލަޑިމިޔަރ ޕޫޓިންގެ ފަރާތްޕުޅުން ރާއްޖޭގެ ރައީސް އިބްރާޙީމް މުޙައްމަދު ޞާލިޙަށް އަރިސް ކުރައްވާފައެވެ.
އެ ބައްދަލުކުރެއްވުމުގައި ދެބޭފުޅުން ދެއްކެވި ވާހަކަފުޅުގައި ދެ ޤައުމުގެ ގުޅުން އިތުރަށް ބަދަހިކުރުމާއި ގުޅޭގޮތުންވެސް މަޝްވަރާކުރެއްވިއެވެ.
