ސްޓެެޕް އައްޔަގެ ބަންދަށް 15 ދުވަސް
މީހަކު ރަހީނުކޮށް ފައިސާ ފޭރުނު ކަމަށް ތުހުމަތުވާ މައްސަލައެއްގައި ހައްޔަރުކުރި ކުރީގެ މަޝްހޫރު ނެށުންތެރިޔާ އަލީ ޝާހިދު (ސްޓެފް އައްޔަ) ގެ ބަންދަށް 15 ދުވަސް ޖަހައިފިއެވެ.
ފުލުހުން ވިދާޅުވީ މާލޭ ގެއެއްގައި ފިރިހެނަކު ހުއްދަނޫން ގޮތުގައި ހިފަހައްޓައި އަނިޔާކޮށް އަދި އޭނާގެ ބޭންކް އެކައުންޓުން ފައިސާ ޓްރާންސްފާކުރި މައްސަލައެއް ފުލުހުންނަށް ހުށަހެޅީ މި މަހުގެ ހަތަރުވަނަ ދުވަހުއެވެ.
ކްރިމިނަލް ކޯޓުގެ ގާޒީ، އިބްރާހީމް ޒިހުނީ މިއަދުވަނީ އައްޔަގެ ބަންދަށް 15 ދުވަސް ޖަހާފައެވެ. އައްޔަގެ ބަންދު މުއްދަތު ނިމޭނީ އަންނަ މަހުގެ 14 ވަނަ ދުވަހުއެވެ.
އެ މައްސަލައާ ގުޅިގެން ކޯޓު އަމުރެއްގެ ދަށުން ހައްޔަރުކުރީ 43 އަހަރުގެ ދިވެހި ފިރިހެނަކު ކަމަށާއި އޭނާ ހައްޔަރު ކުރީ އިއްޔެ ކަމަށް ފުލުހުން ވިދާޅުވިއެވެ.
ސްޓެޕް އައްޔަ ހޯދަން ފުލުހުން މީގެ ދެ ހަފްތާހާ ދުވަސް ކުރިން އިއުލާނުވެސް ކުރި އެވެ. ފުލުހުން އޭރު ބުނީ އޭނާ ހޯދަމުން އަންނަނީ އިކޮނޮމިކް ކްރައިމް ޑިޕާޓްމެންޓުން ބަލަމުން އަންނަ ފޯޖަރީގެ މައްސަލައަކާ ގުޅިގެން ކަމަށެވެ.
