ރައީސް ޞާލިޙުގެ ދެވަނަ ދައުރެއްގައި ސިނަމާލެ ބްރިޖަށް ދެ ލޭން އިތުރު ކުރަނީ
ރައީސް ޔާމީން އަބްދުލްޤައްޔޫމްގެ ސަރުކާރުން އެޅި ސިނަމާލެ ބްރިޖަށް ދެ ލޭން އިތުރު ކުރުމަށްފަހު، ރެއިލްގެ ޚިދުމަތް ވެސް ތަޢާރަފު ކުރަން، އެމްޑީޕީގެ ރިޔާސީ މެނިފެސްޓޯގައި ހިމަނައިފިއެވެ.
މި ސިޔާސަތު ހާމަ ކުރީ، ރޭ "އުފާވެރި މާލެ" މި ނަމުގައި، މާލޭގައި ބޭއްވި ބޮޑު ޖަލްސާގައެވެ.
މި މެނިފެސްޓޯގައި، މި ސަރުކާރުން ހަދަން ފަށާފައިވާ ބްރިޖާއެކު މާލެ އާއި ހުޅުލެ އާއި ހުޅުމާލޭގެ އިތުރުން ވިލިމާލެ އާއި ގުޅިފަޅު އަދި ތިލަފުއްޓާއި ގިރާވަރު ހިމެނޭހެން ރޭލްގެ ހިދުމަތް ފަށަން ވަނީ ހިމަނައިފައެވެ.
އަދި މާލެއަށް ދިމާވެފައިވާ ގޯތި ގެދޮރުގެ ދަތިކަމާއި، މަގުތަކުގެ ހަމަޖެހުމާއި، ދިރިއުޅުމުގެ ފެންވަރު ރަނގަޅު ކުރަން ހުރި މައްސަލަތައް ވަށާ ޖެހޭ ގޮތަށް ހައްލު ކުރެވޭނެ އެކި ސިޔާސަތުތައް ވެސް ހާމަކޮށްފައިވެއެވެ.
އެގޮތުން ގްރޭޓާ މާލެ މަގުތައް ތަރައްގީ ކުރުމުގެ ޕްރޮޖެކްޓް ކުރިއަށް ގެންދިއުމާއި، މާލެ ސަރަހައްދުގައި ވެހިކަލް ފޭސްއައުޓް ކުރުމަށް މާސްޓަ ޕްލޭނެއް ތައްޔާރުކުރުމާއި، ގްރޭޓާ މާލޭގައި ޒަމާނީ ޕަބްލިކް ޓްރާންސްޕޯޓް ސިސްޓަމެއް ތައާރަފުކުރުމާއި، ސްކޫލް ދަރިވަރުންނަށް ހާއްސަ ސްކޫލް ބަސް ތައާރަފު ކުރުމާއި، ދުވަސްވީ ވެހިކަލް މަދުކުރަން އުޅަނދުގެ ވެރިފަރާތް ކަށަވަރުކޮށް، ޕަބްލިކް ޓްރާންސްޕޯޓަށް ރިބޭޓް ނިޒާމެއް ގެނައުމާއި، ހަތަރު ފުރޮޅުލީ ވެހިކަލްތަކަށް ހާއްސަ ޕާކިން ފެސިލިޓީ، އަދި މޮޓޯ ވެހިކަލްތަކަށް ނެއިބާހުޑް ޕާކިން ތައާރަފުކޮށް މަގުމަތިން ޕާކިން ހުސްކޮށްލުން ވެސް ހިމެނެއެވެ.
ޔާމީނުކޮންފާހުރި މަސެއްކަތް ހަލާކު ކުރަން ނޫޅެ އިތުރަށްއެހެންބުރިޖެއްހެދޭތޯބަލާ
ކުރިންވީވައުދު އަދިނުފުއްދޭ
މިޔަރުބާނަން ލޭނުއެޅޭނީ ބުރިޖެއް ނޭޅޭނެ
ތިޔަނިމުނީ ތިޔަ އަޅާފަހުރި ތަނުގެ ކަނތައްވެސް، މި މީހުނަށް ބުރިޖު ނޭޅުނީމަ އެއުޅެނީ ތިޔަތަން ހަލާކު ކުރަން… ހަލާކު ކޮއްފަ ބުނާނެ ކުރީސަރުކާރުން ހާވާފަ އޮތް ހަޑި އަކާ ހެދީއޭ ހަލާކުވީ