ފުނަދޫގައި ސިހުރު ހެދި ކަމަށް ބުނާ މީހާގެ ބަންދަށް އިތުރު 10 ދުވަސް

ށ. ފުނަދޫގައި ސިހުރު ހެދި ކަމަށް ތުހުމަތު ކުރެވޭ މީހާގެ ބަންދަށް އިތުރު 10 ދުވަސް ޖަހައިފި އެވެ.

Ads by Hajj Corporation

ރައްޔިތުންގެ މަޖިލީހުގެ ފުނަދޫ ދާއިރާގެ އިންތިހާބީ މެންބަރު މުހައްމަދު މަމްދޫހަށް އަމާޒުކޮށް ސިހުރު ހެދި ކަމަށް ތުހުމަތު ކުރެވޭ އެ މީހާ، އެފަދަ ސާމާނުތަކާ އެކު ހައްޔަރު ކުރީ މި މަހުގެ ތިންވަނަ ދުވަހުގަ އެވެ.

އުމުރުން 60 އަހަރުގެ އެ ދިވެހި ފިރިހެން މީހާގެ ބަންދަށް ފުނަދޫ މެޖިސްޓްރޭޓް ކޯޓުން ފުރަތަމަ ޖެހީ 15 ދުވަހެވެ. އެ މުއްދަތު އިއްޔެއަށް ހަމަވެ އިއްޔެ އޭނާގެ ބަންދުގެ މުއްދަތު އިތުރުކުރަން ކޯޓަށް ގެންދިޔަ އެވެ.

ފުލުހުން ބުނީ ކޯޓުން އިއްޔެ އިތުރު 10 ދުވަސް ދީފައިވާ ކަމަށެވެ. ފުލުހުން ދަނީ އެ މައްސަލަ އިތުރަށް ތަހުގީގު ކުރަމުންނެވެ.