ފޭސް ދޭއްގެ ބީޗުގައި ހުރި ހަޓުތައް ޖޫން 15 ގެ ކުރިން ނަގަން އަންގައިފި
ހުޅުމާލެ ފޭސް ދޭއްގެ ތިންވަނަ ރުއްގަނޑުގެ ބީޗު ސަރަހައްދުގައި، އަމިއްލަ ފަރާތްތަކުން ހަދާފައިވާ ހަޓްތަކާއި ބަހައްޓާފައިވާ ތަކެތި ޖޫން 15 ގެ ކުރިން ނަގަން އެޗްޑީސީން އެ ފަރާތްތަކަށް އަންގައިފިއެވެ.
ހަޓުތައް ނަގަން އެޗްޑީސީން އަންގަމުން މި ދަނީ އެ ސަރަހައްދު ތަރައްގީ ކުރުމުގެ މަސައްކަތް ފެށުމަށެވެ.
އެ ކުންފުނިން މިއަދު ބުނީ ވަގުތީ ހަޓްތަކެއް ޖަހައިގެން އަމިއްލަ ގޮތުން ވިޔަފާރި ކުރަމުން ދާތީ، އެކަމާ ގުޅޭ ގޮތުން ގިނަ ބައެއްގެ ޝަކުވާ ލިބެމުން އަންނަ ކަމަށެވެ. އަދި ގިނަ މީހުންގެ ކަންބޮޑުވުންތަކަށް ރިއާޔަތްކޮށް، އެ ސަރަހައްދު އިތުރަށް ތަރައްގީކޮށް ވަސީލަތްތައް ގާއިމް ކުރުމަށް ނިންމީ ކަމަށެވެ.
Advertisement
ސަރަހައްދު ތަރައްގީ ކޮށް ނިމުމުން، ކަނޑައެޅޭ އުސޫލެއްގެ ދަށުން ވިޔަފާރިތަކަށް އަލުން ހުޅުވާލާނެ ކަމަށް އެ ކުންފުނިން ބުންޏެވެ.
ކޮމެންޓް