ރާއްޖޭގައި ލޭނު އަޅަން ހުއްދަ ދޭތީ ބައިނަލްއަގުވާމީ ޕެޓިޝަނެއް

ރާއްޖޭގައި ބޮޑު ކަންނެލީގެ ލޭނު މަސްވެރިކަން ކުރުމުގެ ހުއްދަ ދިނުމަށް ސަރުކާރުން ނިންމުމުން އެކަމާ ދެކޮޅަށް ބައިނަލްއަގުވާމީ ޕެޓިޝަނެއް ލޯންޗުކޮށްފި އެވެ.

Ads by STELCO

އިނގިރޭސިވިލާތުގެ ބްލޫ މެރިން ފައުންޑޭޝަނާއި ގުޅިގެން ރާއްޖޭގެ މަދަނީ ޖަމިއްޔާތަކެއް ހިމެނޭ މޯލްޑިވްސް އޯޝަން އެލަޔަންސް އަދި ބޮޑު ކަންނެލި މަސްވެރިންގެ ޔޫނިއަނުން ލޯންޗުކޮށްފައިވާ ޕެޓިޝަނެކެވެ.

ޕެޓިޝަނުގައި މިހާތަނަށް 12,000 އަށް ވުރެ ގިނަ މީހުން ވަނީ ސޮއިކޮށްފަ އެވެ.

ލޭނު މަސްވެރިކަން ކުރަން ހުއްދަ ދިނުމާ ގުޅޭ ގޮތުން މަޝްވަރާ ކުރަން ފެށިއިރު ވެސް މަސްވެރިން އެ ކަމާ ދެކޮޅަށް މުޒާހަރާކުރި އެވެ. ނަމަވެސް ފިޝަރީޒް މިނިސްޓްރީން ވަނީ ލޭނު މަސްވެރިކަމުގެ ގަވާއިދުގެ ފުރަތަމަ ޑްރާފްޓް އެކުލަވާލައިފަ އެވެ.