ކެޓް ޝެލްޓާއަށް ބޭނުންވާ ސާމާނު ހޯދަން ހަވާލުކޮށްފި 

ހުޅުމާލެ ފޭސް 2 ގައި ގާއިމުކުރަމުންދާ ކެޓްޝެލްޓާ އަށް ބޭނުންވާ ސާމާނު ހޯދަން މިއަދު ހަވާލުކޮށްފި އެވެ.

Ads by STELCO

ސިޓީ ކައުންސިލުން "އެކްސް" ގައި ކުރި ޕޯސްޓެއްގައި ބުނީ އެ މަސައްކަތް ހަވާލުކުރީ ރެޕިޑް އިންޖިނިއަރިން ސޮލިއުޝަން ޕްރައިވެޓް ލިމިޓެޑާ ކަމަށެވެ. އަދި ހަވާލުކޮށްފައިވަނީ 210,036.61ރ އަށް ކަމަށްވެސް ސިޓީ ކައުންސިލުން ބުންޏެވެ. 

އެ މަޝްރޫއުގެ ބޭނުމަށް ސަރުކާރުން މާލެ ސިޓީ ކައުންސިލާ ބިން ހަވާލުކުރީ މިދިޔަ ފެބްރުއަރީ މަހު އެވެ. ޖެހިގެން އައި މަހު އެ މަޝްރޫއުގެ އަމަލީ މަސައްކަތް ވަނީ ފަށާފަ އެވެ. އަދި އެތަނަށް ބޭނުންވާ ސާމާނު ހޯދަން އެ ކައުންސިލުން އިއުލާނު ކުރީ މިދިޔަ ޖޫން މަހުގެ ތެރޭގަ އެވެ.

އެ އިއުލާނުގައި 6 ލިސްޓެއް ހިމެނޭއިރު ސިޓީ ކައުންސިލުން ބުނީ ރެޕިޑް އިންޖިނިއަރިން ސޮލިއުޝަން ޕްރައިވެޓް ލިމިޑެޓުން ހަވާލުވެފައިވަނީ ލިސްޓް 2, 3, 4 އަދި 5 ކަމަށެވެ.

ލިސްޓް 1 ގައި ހިމެނެނީ އައިވީ އިންފިއުޝަން ޕަންޕް, ނެބުލައިޒާ, ހީޓިން ޕެޑް, ކައްޓާ, އަންގި, ރޭޒަރު ފަދަ ތަކެއްޗެވެ. އަދި ލިސްޓް 2 ގައި ހިމެނެނީ ސާޖަރީތަކުގައި ބޭނުންކުރާ އަންގި ބެންޑޭޓް, ކަފަ, ސިރިންޖު ފަދަ ތަކެއްޗެވެ.

ލިސްޓް 3 ގައި ކަރަންޓީނު ކުރުމަށް ބޭނުންކުރާ ދެ ވައްތަރެއްގެ ވެޓެރިނަރީ ކޭޖެވެ. އަދި ލިސްޓް 4 ގައި ހިމެނެނީ މައިކްރޮސް ކޯޕާއި ސްޓެތެސްކޯޕެވެ.