ގެއެއްގެ ބެލްކަނިން ބިއްލޫރިގަނޑެއް ވެއްޓި ފުލުހަކު ޒަހަމްވެއްޖެ

މާލޭ ގެއެއްގެ ބެލްކަނިން ބިއްލޫރިގަނޑެއް ވެއްޓި މިއަދު މީހަކު ޒަހަމްވެއްޖެ އެވެ.

Ads by STELCO

މީޑިއާތަކަށް ފޮނުވި މެސެޖެއްގައި ފުލުހުން ބުނީ މެންދުރު 03:30 ކަންކާއިރު އަމީނީ މަގުގައި ހުރި ގެއެއްގެ ބެލްކަނިން ބިއްލޫރިގަނޑެއް ވެއްޓުނު ހާދިސާއެއް ރިޕޯޓްކޮށްފައިވާ ކަމަށެވެ.

ފުލުހުން ބުނީ ބިއްލޫރިގަނޑު ވެއްޓި އަނިޔާވީ ފިރިހެން ފުލުސް އޮފިސަރަކަށް ކަމަށެވެ. އެ އޮފިސަރަށް އައިޖީއެމްއެޗުގައި ފަރުވާދެމުންދާ ކަމަށް ވެސް ފުލުހުން ބުންޏެވެ.

އޭނާ އަށް ލިބުނު ގެއްލުންތަކުގެ ތަފްސީލެއް ފުލުހުން ނުދެ އެވެ.

މީގެ ކުރިން ވެސް އިމާރާތްތަކުގެ މަތިން އެއްޗެތި ވެއްޓި މީހުންގެ ފުރާނައަށް ނުރައްކާވެފައި އެބަހުއްޓެވެ.