މިދިޔަ އަހަރު ފުލުހުން 19 މިލިއަނަށް ވުރެ ގިނަ ރުފިޔާގެ ތަކެތި ރިކަވާކުރި
ިމިދިޔަ އަހަރު ފުލުހުން 19 މިލިއަނަށް ވުރެ ގިނަ ރުފިޔާގެ ތަކެތި މާލޭގެ ރިކަވާކުރިކަމަށް ފުލުހުން ބުނެފި އެވެ.
މާލެ ސިޓީ ޕޮލިހުގައި ހިމެނޭ މާލެ ފްރަންޓްލައިން ޕޮލިސިން، ތިލަމާލެ ޕޮލިސް އަދި ޓްރެފިކް ޕޮލިސް އެންޑް ރޯޑް މެނޭޖްމަންޓު ބަހާތަކުގެ ތަފާސް ހިސާބުތަކަށް ބަލާއިރު، ފާއިތުވި އަހަރު ޖުމްލަ 1653 އައިޓަމެއް ރިކަވަކޮށްފައިވާއިރު އެ ތަކެތީގެ ޖުމްލަ އަގު 19.2 މިލިއަން ރުފިޔާއަށްވުރެ މައްޗަށް އަރަ އެވެ.
ރިކަވާކޮށްފައިވާ ތަކެތީގެ ތެރޭގައި 206 މޯބައިލް ފޯނު (1.983،564.79ރ)، 253 މޮޓޯ ސައިކަލް (11،489،400ރ)، 107 އިލެކްޓްރޯނިކްސް އައިޓަމް (986،843.42ރ) އާއި އެހެނިހެން ތަކެތި ޖުމްލަ 333 އައިޓަމް (551،206.62ރ) އާއި 374 މައްސަލައެއްގައި ހިމެނޭ 3،582،837.11ރ، ނަގުދު ފައިސާ އަދި އެހެނިހެން 380 އައިޓަމް (615،813.56ރ) ހިމެނޭކަމަށް ފުލުހުން ބުންޏެވެ.
މިދިޔަ އަހަރު މާލެ ސިޓީ ޕޮލިހަށް ވޮލިއުމް ކްރައިމްގެ ޖުމްލަ 5242 އިންސިޑެންޓް ހުށަހެޅިފައިވެ އެވެ.
އޭގެތެރޭގައި ވައްކަމުގެ 2،290 މައްސަލަ ހިމެނޭއިރު ފޭރުމުގެ 414 މައްސަލަވެސް ހިމެނެ އެވެ.
