އިންޑިއާ ކަނޑުގެ ސަރަހައްދުގެ ސަލާމަތްކަން ހަރުދަނާކުރުމުގެ މަޝްގު ފަށައިފި
އިންޑިއާ ކަނޑުގެ ސަރަޙައްދުގެ ސަލާމަތާއި ރައްކާތެރިކަން ހަރުދަނާކުރުމަށް 9 ގައުމެއް ބައިވެރިވެގެން ޕެރޫސް 25 ކަނޑުގެ މަޝްގު ފަށައިފި އެވެ.
ނޫސް ބަޔާނެއްގައި ބުނީ އިންޑިއާގެ ކަނޑުގެ ބާރުން އައިއެންއެސް މުންބާއީ ޑިސްޓްރޯޔަރާއެކު، އިންޑޯ-ޕެސިފިކްގެ އިތުރު 8 ގައުމަކާއެކު، ބުރާސްފަތި ދުވަހު އިންޑިއާ ކަނޑާއި ޕެސިފިކް ކަނޑާ ދެމެދުގައިވާ މަލައްކާ، ސުންޑާ އަދި ލޮމްބޮކް ހަނިކަނޑުތަކުގައި ވަނީ ސަފުޖެހިފައި ކަމަށެވެ.
މިއީ ބައިނަލްއަގްވާމީ ކަނޑުގެ މަޝްގު ލަ ޕެރޫސް 25 ގެ ފަސް ވަނަ އެޑިޝަންގެ ބައެއް ކަމަށްވެސް ނޫސް ބަޔާނުގައި ވެއެވެ. އަދި މި މަހުގެ 16 ވަނަ ދުވަހު ފެށުނު މި މަޝްޤު މި މަހުގެ 24 ގެ ނިޔަލަށް ކުރިއަށްދާނެ ކަމަށްވެސް ނޫސް ބަޔާނުގައި ވެއެވެ.
ނޫސް ބަޔާނުގައި ބުނީ މި މަޝްޤު ކުރިއަށް ގެންދާނީ ފްރާންސްގެ ކެރިއާ ސްޓްރައިކް ގްރޫޕް (ސީއެސްޖީ) އިން ކަމަށެވެ. އަދި ގްރޫޕްގެ އިސްކަމުގައި ހުންނާނީ ޗާލްސް ޑި ގޯލް މަތިންދާބޯޓު އުފުލާ ބޯޓެވެ. މިއީ މިޝަން ކްލެމެންސޯ 25 ގެ ބައެއްގެ ގޮތުގައެވެ.
މި މުހިންމު މަޝްޤުގައި ބައިވެރިވާ އިންޑޯ-ޕެސިފިކް ގައުމުތަކުގެ ތެރޭގައި ހިމެނެނީ އޮސްޓްރޭލިޔާ (އެޗްއެމްއޭއެސް ހޯބާޓް ޑިސްޓްރޯޔަރާއެކު)، ކެނެޑާ (އެޗްއެމްސީއެސް އޮޓާވާ ޑިސްޓްރޯޔަރާއެކު)، އެމެރިކާ (ޔޫއެސްއެސް ސަވާނާ އެލްސީއެސްއާއެކު)، ފްރާންސް (އެ ޤައުމުގެ ސީއެސްޖީއާއެކު)، އިންޑިއާ (އައިއެންއެސް މުންބާއީ ޑިސްޓްރޯޔަރާއެކު)، އިންޑޮނޭޝިޔާ (ފްރާންސްގެ ސީއެސްޖީގެ އެޓްލާންޓިކް 2 ކަނޑުގެ ދޮށުގެ މަތިންދާބޯޓަށް އެއްގަމުގައި ބޭސް ސަޕޯޓް ފޯރުކޮށްދިނުމާއެކު)، މެލޭޝިޔާ (އެފްއެފްޖީ ލެކިރް ޑިސްޓްރޯޔަރާއި އޭގައި އަރުވާފައިވާ ހެލިކޮޕްޓަރާއި ގަގާ ސަމުދެރާ އުޅަނދާއެކު)، ޔޫކޭ (އެޗްއެމްއެސް ސްޕޭ އޮފްޝޯ ޕެޓްރޯލް އުޅަނދާއެކު)، އަދި ސިންގަޕޫރު (އާރްއެސްއެން އިންޑިޕެންޑެން ޕެޓްރޯލް އުޅަނދާއެކު) އެވެ.
Ads by STO
