މިސްކިތްތަކާއި މަރުކަޒުތަކުގެ 14 މަޝްރޫއެއް ހަވާލުކޮށްފި

11 މިސްކިތަކާއި ގުރުއާނާއި ބެހޭ މަރުކަޒުގެ 2 ގޮފީގެ އިތުރުން އިސްލާމީ މަރުކަޒެއް އިމާރާތްކުރުމަށް ބަޔަކާ މިއަދު ހަވާލުކޮށްފިއެވެ.

Ads by MPL

އިސްލާމިކް މިނިސްޓްރީ އިން ބުނީ 11 މިސްކިތަކާއި ގުރުއާނާއި ބެހޭ މަރުކަޒުގެ 2 ގޮފީގެ އިތުރުން އިސްލާމީ މަރުކަޒެއް އިމާރާތްކުރުމަށް ބަޔަކާއި ހަވާލުކޮށް އެކަމާ ގުޅޭ އެއްބަސްވުމުގައި ސޮއިކޮށްފައިވާ ކަމަށެވެ. 

އޭގެތެރެއިން 11 މަޝްރޫއު ހަވާލުކޮށްފައިވަނީ ފެނަކަ އަށެވެ. 3 މަޝްރޫއު ހަވާލުކޮށްފައިވަނީ އެމްޓީސީސީއަށެވެ. 

އެއްބަސްވުންތަކުގައި މިނިސްޓްރީގެ ފަރާތުން ސޮއިކުރެއްވީ މިނިސްޓަރު ޑރ. މުހައްމަދު ޝަހީމް އަލީ ސައީދެވެ. ފެނަކައިގެ ފަރާތުން މެނޭޖިން ޑިރެކްޓަރު މުހައްމަދު ނަޖާހެވެ. އެމްޓީސީސީގެ ފަރާތުން މެނޭޖިން ޑިރެކްޓަރު އަހުމަދު ސައުދީ އެވެ.

މިއަދު ހަވާލުކުރި މަޝްރޫއުތަކަކީ:

• ލ. މާބައިދޫގައި ޤުރުއާނާބެހޭ މަރުކަޒުގެ ގޮފި އިމާރާތްކުރުން - ފެނަކަ
• ޅ. އޮޅުވެލިފުށީގައި ޤުރުއާނާބެހޭ މަރުކަޒުގެ ގޮފި އިމާރާތްކުރުން  - ފެނަކަ
• ށ. ފޯކައިދޫ އިސްލާމީ މަރުކަޒު އިމާރާތްކުރުން - ފެނަކަ
• ތ. ހިރިލަންދޫގައި 500 މީހުންގެ ޖާގައިގެ މިސްކިތެއް އިމާރާތްކުރުން  - ފެނަކަ
• ސ. ފޭދޫ ހިއްކި ސަރަޙައްދުގައި 500 މީހުންގެ ޖާގައިގެ މިސްކިތެއް އިމާރާތްކުރުން - ފެނަކަ
• ނ. ހެނބަދޫގައި 500 މީހުންގެ ޖާގައިގެ މިސްކިތެއް އިމާރާތްކުރުން - ފެނަކަ
• ތ. ވޭމަންޑޫގައި 500 މީހުންގެ ޖާގައިގެ މިސްކިތެއް އިމާރާތްކުރުން - ފެނަކަ
• ރ. އިނގުރައިދޫގައި 500 މީހުންގެ ޖާގައިގެ މިސްކިތެއް އިމާރާތްކުރުން - ފެނަކަ
• ހދ. ނެއްލައިދޫގައި 500 މީހުންގެ ޖާގައިގެ މިސްކިތެއް - ފެނަކަ
• ށ. ނޫމަރާގައި 300 މީހުންގެ ޖާގައިގެ މިސްކިތެއް - ފެނަކަ
• ބ. ކުޑަރިކިލުގައި 500 މީހުންގެ ޖާގައިގެ މިސްކިތެއް - ފެނަކަ
• ހއ. ބާރަށުގައި 500 މީހުންގެ ޖާގައިގެ މިސްކިތެއް - އެމްޓީސީސީ
• ބ. މާޅޮސް 500 މީހުންގެ ޖާގައިގެ މިސްކިތެއް - އެމްޓީސީސީ
• އ.ފެރިދޫގައި 500 މީހުންގެ ޖާގައިގެ މިސްކިތެއް - އެމްޓީސީސީ