ރާއްޖޭގައި މީހުން ދިރިއުޅޭ ރަށަކަށް ފޭބެން ވާނީ 14 ދުވަހު ކަރަންޓީންގައި މަޑުކުރުމަށް ފަހު: މުއިއްޒު
ކޮވިޑް-19 ފެތުރުން ކޮންޓްރޯލް ކުރުމަށްޓައި ރާއްޖޭގައި މީހުން ދިރިއުޅޭ ރަށަކަށް ފޭބެން ވާނީ 14 ދުވަހު ކަރަންޓީންގައި މަޑުކުރުމަށް ފަހު ކަމަށް މާލޭ ސިޓީގެ މޭޔަރުކަމަށް ވާދަކުރައްވާ ޕީޕީއެމްގެ ނައިބް ރައީސް މުހައްމަދު މުއިއްޒު ވިދާޅުވެއްޖެއެވެ.
މުއިއްޒު ކުރެއްވި ޓްވީޓެއްގައި ވިދާޅުވީ މަތިންދާ ބޯޓެއްގައި އަޔަސް، ލަކުޑި ބޯޓެއްގައި އަޔަސް، މަނަވަރެއްގައި އަޔަސް، މި ދުވަސް ކޮޅު ރާއްޖޭގައި މީހުން ދިރިއުޅޭ ރަށަކަށް ފޭބެން ވާނީ 14 ދުވަހު ކަރަންޓީންގައި މަޑުކުރުމަށް ފަހު ކަމަށެވެ.
"ރާއްޖޭގެ ކޮންމެ ރައްޔިތެއްގެ ރައްކަލަށްޓަކައި މިކަން އޮންނަންވާނީ މިހެން ކަމުގައި ދެކެން." މުއިއްޒު ވިދާޅުވިއެވެ.
Mathindhaa boat egga ayas, lakudi boategga ayas, manavaregga ayas, mi dhuvaskolhu Raajjeyge meehun ulhey rashakah feybenvaanee 14 dhuvahu quarantine ga madukurumahfahu. Raajjeyge komme rayyithegge rakkalahtakaa mikan onnanvaanee mihen kamugai dheken.
— Dr Mohamed Muizzu (@MMuizzu) May 7, 2020
ރަށަށް ނުދެވި މާލޭގައި ތިބި މީހުންް ފޮނުވާނެ އުސޫލުގެ ދަށުން ރަށްރަށަށް ފޮނުވުމަށް އިސްކަންދޭ ތަރުތީބު ވަނީ އިޢުލާން ކޮށްފައެވެ.
އެޗްޕީއޭއިން ދަނީ ރާއްޖެއިން ބޭރުން އަންނަ ކޮންމެ މީހަކު ވެސް 14 ދުވަހު ކަރަންޓީން ފެސިލިޓީއެއްގައި މަޑުކުރުވަމުންނެވެ.
ކޮމެންޓް