ރާއްޖޭގައި 7 މަހުގެ ތުއްތު ކުއްޖަކަށް ކޮވިޑް ޖެހިއްޖެ، އަަވަސް ޝިފާއެއް ދެއްވާށި

ރާއްޖޭގައި އުމުރުން ހަތް މަހުގެ ތުއްތު ކުއްޖަކު ކޮވިޑް-19 އަށް ފައްސިވެއްޖެ އެވެ. މި ކުއްޖާ ހިމެނެނީ ރާއްޖެއިން އެންމެ ފަހުން ކޮވިޑް-19 އަށް ފައްސިވީ ދިހަ މީހުންގެ ތެރޭގައި ކަމަށެވެ.

Ads by Sosun Fihaara

އެޗްޕީއޭ އިން ހާމަކޮށްފައިވާ ގޮތުގައި ފައްސިވީ 7 މަހުގެ ދިވެހި ފިރިހެން ކުއްޖެކެވެ. އަދި އެކުއްޖާގެ ހާލު ރަނގަޅުކަމަށް ވެސް އެ ފަރާތުން ހާމަކޮށްފައިވެއެވެ.

އެޗްޕީއޭއިން ނެރެފައިވާ ތަފާސްހިސާބުތަކަށް ބަލާއިރު، މިހާތަނަށް ރާއްޖޭގައި އުމުރުން 1 އަހަރާއި 10 އަހަރާއި ދެމެދުގެ ދިހަ ކުއްޖަކު ކޮވިޑް-19 އަށް ފައްސިވެފައި ވެއެވެ. އޭގެތެރޭގައި ހިމެނެނީ 3 ފިރިހެން ކުދިންނާއި 7 އަންހެން ކުއްޖެކެވެ.

މިރޭ ފައްސިވި 10 މީހުންނާއެކު ރާއްޖެއިން ކޮވިޑަށް ފައްސިވި މީހުންގެ ޖުމްލަ އަދަދު މިވަނީ 744 އަށް އަރާފައެވެ. މީގެތެރޭގައި ހިމެނެނީ 236 ދިވެހިންނާއި، 508 ބިދޭސީންނެވެ.