ދިއްފުށީ ގެއެއްގައި ހައްދާފައިހުރި ގަންޖާ ގަހެއް ހޯދައިފި

ކ. ދިއްފުށީ ގެއެއްގައި ހައްދާފައި ހުރި ކެނެބިސް ގަހެއް ހޯދައިފިއެވެ. ފުލުހުން ވިދާޅުވީ މި ގަސް ފެނިފައި ވަނީ، ދިއްފުށީ ކައުންސިލުން މިއަދު ކުރި ރިޕޯޓްކާއި ގުޅިގެން ހިންގި އޮޕަރޭޝަނެއްގައި ކަމަށެވެ.

Ads by MWSC

މި ގަސް ފެނިފައިވަނީ މިއަދު 16:00 ހާއިރު ކޯޓު އަމުރެއްގެ ދަށުން ފުލުހުން އެގެ ބަލައި ފާސްކުރަމުގެ ތެރޭގައެވެ. ފުލުހުން ވިދާޅުވީ މި މައްސަލަ އާއި ގުޅިގެން ތަހުޤީޢަށް ބޭނުންވާ ސާމްޕަލް ނަގައި ތަހުލީލު ކުރުމަށް މިހާރު ފޮނުވާފައިވާ ކަމަށެވެ.

މި މައްސަލަ އާއި ގުޅިގެން މީހަކު ފުލުހުންގެ ބެލުމުގެ ދަށަށް ގެންދިޔަ ކަމެއް އަދި އެނގިފައެއް ނުވެއެވެ. ފުލުހުން ދަނީ މި މައްސަލަ އިތުރަށް ތަހުޤީޤު ކުރަމުންނެވެ.