ހުއްދައަކާ ނުލައި ބޭރަށް ނުކުމެވޭ ހިސާބުން މިސްކިތްތައް ހުޅުވާލަން ޖެހޭ: އަލީ ޒައިދު
ހުއްދައަކާ ނުލައި ބޭރަށް ނުކުމެވޭ ހިސާބުން މާލޭގެ މިސްކިތްތައް ހުޅުވާލަން ޖެހޭ ކަމަށް މަޝްހޫރު ދީނީ އިލްމުވެެރިޔާ އަލީ ޒައިދު ވިދާޅުވެއްޖެއެވެ.
އޭނާ މިހެން ވިދާޅުވީ މި މަހުގެ 15 އިން ފެށިގެން މާލެ ސަރަހައްދުގައި ހުއްދަ ނެތި މަގުތަކަށް ނިކުތުމުގެ ހުއްދަ ހެލްތު މިނިސްޓްރީން ދިނުމާ ގުޅިގެންނެވެ. މީގެ އިތުރުން ޕާކުތަކާއި މައިޒާންތައް ވެސް އެ ދުވަހުން ފެށިގެން ހުޅުވާލަން ވަނީ ނިންމާފައެވެ.
އެކަމާ ގުޅިގެން ޒައިދު ކުރެއްވި ޓްވީޓެއްގައި ވިދާޅުވީ ޕާކްތަކާއި މައިޒާންތައް ހުޅުވޭ ނަމަ، މިސްކިތް ފަދަ މުގައްދަސް ﷲގެ ގެކޮޅުތައް ހުޅުވާލުން މާ ވާޒިބުކަން ބޮޑު ކަމަށާއި އެންމެ އިސްވާން ޖެހޭނީ މިސްކިތްތައް ކަމަށެވެ.
Permit akaa nulai beyrah nukumevey hisaabun Miskihthah hulhuvaalan jehey! Park thakaa maizaan thah hulhuvey nama, Miskih fadha muqahdhas Allah ge gekolhuthah hulhuvaalun maa vaajib kan bodu! Enme isvaan jejeynee Miskihthah! @HPA_MV
— Ali Zaid (@alizaid1000) June 12, 2020
ލޮކްޑައުންއަށް ލުއި ދިން ނަމަވެސް މާލޭގެ މިސްކިތްތަކުގެ އިތުރުން ސްކޫލް ތަކާއި ކޮލެޖް، ޔުނިވާސިޓީ އަދި އޮފީސްތައް ހުޅުވާލުމަށް ސަރުކާރުން ނިންމާފައި ވަނީ އަންނަ މަހުއެވެ.
މާލެ އާއި ބައެއް ރަށްތަކުގައި ޖަމާއަތުގައި ނަމާދު ކުރުން މެދު ކަނޑާލިތާ ދެ މަސް ވާން ކައިރިވެފައިވާއިރު، މާލެ ސަރަހައްދާއި، ށ، ނަރުދޫ އަދި ނ. މަނަދޫ ފިޔަވައި އެހެން ހުރިހާ ރަށެއްގައި މިހާރު ޖަމާއަތު ނަމާދު ކުރުމުގެ ހުއްދަ ވަނީދީފައެވެ.
