އެމްޓީސީސީ ގެ ސީއެފްއޯ ކަމުގެ މަގާމުން ހިލްމީ ވަކިކޮށްފި
އެމްޓީސީސީގެ ޗީފް ފައިނޭންޝަލް އޮފިސަރ ކަމުގެ މަގާމުގައި ހުންނެވި މުޙައްމަދު ހިލްމީ އެމަގާމުން ވަކިކޮށްފިއެވެ.
އެނގިފައިވާ ގޮތުގައި ހިލްމީ އެމަގާމުން ވަކި ކުރުމަށް ނިންމަވާފައިވަނީ އިއްޔެ އެމްޓީސީސީ ގެ ފަރާތުން ބޭއްވި އެކުންފުނީގެ ޑިރެކްޓަރުންގެ ބޯޑުގެ ޖަލްސާގައެވެ.
އެމްޓީސީސީގެ ސީއެފްއޯ ކަމުގައި މަގާމުގައި ހުންނެވި ހިލްމީ، މިއަދުން ފެށިގެން އެމަގާމުން ވަކިކޮށްފައިވީ ނަމަވެސް އޭނާ ވަކިކުރި ސަބަބެއް ހާމަ ކޮށްފައެއް ނުވެއެވެ.
އެކުންފުނީގެ ޑިރެކްޓަރުންގެ ބޯޑުގައި ހަތަރު ބޭފުޅުން ހިމެނޭއިރު، އެއީ ސަރުކާރުގެ ފަރާތުން އައްޔަނު ކޮށްފައިވާ ހަތަރު ބޭފުޅުންނާއި އާއްމު ހިއްސާދާރުން އައްޔަނު ކުރައްވާފައިވާ ދެ ބޭފުޅެކެވެ.
އެގޮތުން ސަރުކާރުގެ ފަރާތުން އެމްޓީސީސީގެ ޑައިރެކްޓަރުންގެ ބޯޑުގައި ހިމެނެނީ ޗެއާރމަން މުޙައްމަދު ފަހީމް އާއި، ސީއީއޯ އާދަމް އާޒިމް، އަދި ސީއޯއޯ ޝާހިދު ޙުސެއިން މޫސާގެ އިތުރުން ޑިރެކްޓަރ ސިނާން އަލީ އެވެ.
ޑިރެކްޓަރުންގެ ގޮތުގައި އާއްމު ހިއްސާދާރުން އިންތިހާބު ކޮށްފައިވަނީ ފަތުހުﷲ އިސްމާޢީލްއާއި އަހުމަދު އަބޫބަކުރުއެވެ. މިދެބޭފުޅުންވެސް އިންތިހާބްކޮށްފައިވަނީ މިދިޔަ އަހަރު ބޭއްވި އަހަރީ އާންމު ޖަލްސާގެ ތެރެއިންނެވެ.
