މާލޭ އިންޑަސްޓްރިއަލް ޒޯނު ތެރެއިން ހޮވި ފައިސާތަކެއްގެ ވެރިފަރާތް ހޯދަނީ
މާލޭ އިންޑަސްޓްރިއަލް ޒޯނު ތެރެއިން ހޮވައިގެން ގެނެސްފައިވާ ފައިސާތަކެއްގެ ވެރިފަރާތް ހޯދުމުގެ މަސައްކަތް ފުލުހުން ފަށައިފިއެވެ.
ފުލުހުން ބުނީ މިފައިސާތަކަކީ މިމަހުގެ 7 ވަނަ ދުވަހުގެ ވަގުތެއްގައި، މާލޭ އިންޑަސްޓްރިއަލް ޒޯނު ތެރޭގައި ވެއްޓިފައި އޮއްވައި އާންމުފަރާތަކުން ހޮވައިގެން ގެނެސް ފުލުހުންނާ ހަވާލުކޮށްފައިވާ ފައިސާތަކެއް ކަމަށެވެ.
ވީމާ މި ފައިސާތަކުގެ ވެރިފަރާތުން، ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓްގެ ނަންބަރު 9631696 އަށް ގުޅުވައި އިންސިޑެންޓް ނަންބަރު 459812 ވިދާޅުވެ، ކާކުކަން އެނގޭނެ ލިޔުމަކާއެކު ޝަހީދު ޙުސައިން އާދަމް ބިލްޑިންގަށް ހާޒިރުވެ ފައިސާތަކާ ހަވާލުވެލެއްވުން އެދޭ ކަމަށް ފުލުހުން ބުނެއެވެ.
ފުލުހުން ވަނީ މިފަދަ ކަންކަމުގައި ރައްޔިތުންގެ ފަރާތުން ފުލުހުންނަށް ލިބެމުންދާ އެއްބާރުލުން މި ފުރުސަތުގައި ފާހަގަކޮށް ޝުކުރު ދަންނަވާފައެވެ.
Ads by STO
