ވިއްސާރައިގެ ސަބަބުން އައްޑޫސިޓީ އާއި ފުވައްމުލަކުގެ ބައެއް ގެތަކަށް ފެންވަދެއްޖެ!

ރާއްޖޭގެ އެކި ކަންކޮޅުތަކަށް ކުރަމުންދާ ވިއްސާރައިގެ ސަބަބުން އައްޑޫ ސިޓީ އާއި ފުވައްމުލައް ސިޓީގެ ބައެއް ގެތަކަށް ފެންވަދެއްޖެއެވެ.

Ads by MWSC

އެގޮތުން ފުވައްމުލައް ސިޓީގެ 15 ގެއަކަށް ފެންވަދެފައިވާއިރު އައްޑޫސިޓީ ފޭދޫގެ ގެއަކަށް ވެސް ވަނީ ފެން ވަދެފައެވެ.

މިގެތަކަށް ފެން ވަނުމާއި ގުޅިގެން އެމްއެންޑީއެފް އިން ވަނީ އެގެތަކުގައި ވެލިބަސްތާ ޖަހާދިނުމުގައި އެހީތެރިވެދެއްވާ ފައެވެ.

ފުވައްމުލައް ސިޓީގައި ވައިގަދަވުމާއި ގުޅިގެން ބައެއް ގަސްތައް ވެސް ވެއްޓުނެވެ. އަދި އެމްއެންޑީއެފް އިން ވަނީ އެގަސްތައް ވެސް ނަގައިދެއްވާފައެވެ.

ރާއްޖޭގެ ބޮޑު ސަރަހައްދަކަށް މޫސުން ގޯސްވެފައި ވާއިރު، ދެކުނުގެ ބައެއް ރަށްތަކަށް އުދައިގެ އަސަރު ވެސް ކޮށްފައެވެ. އެގޮތުން އައްޑޫސިޓީ މީދޫ ކޯގަންނު ގަބުރުސްތާނު ސަރަހައްދަށް ވަނީ އުދައިގެ އަސަރު ކޮށްފައެވެ.