އިމްތިހާނަށް ބަދަލު ގެނައީ އެޑެކްސެލް އިން، މިނިސްޓްރީއާ ބައްދަލު ކުރުމެއް ނެތި
ދިވެހިރާއްޖޭގައި ހަދާ އޭ.ލެވެލް އަދި އޭ.އެސް.ލެވެލް އިމްތިހާނު ތަކުގެ ތާވަލަށް އެ
އިމްތިހާނު ފޯރުކޮށްދޭ އެޑެކްސެލް އިން ބަދަލު ގެނެސްފައިވާކަމަށް އެޑިއުކޭޝަން މިނިސްޓްރީއިން ބުނެފިއެވެ.
މިނިސްޓްރީއިން ބުނެފައިވަނީ މިހާރު އިމްތިހާނު ފެށުމަށް ހަމަޖެހިފައި ވަނީ 26 އެޕްރީލް 2021 ވަނަ ދުވަހު ކަމަށެވެ. އަދި މި ބަދަލު ގެނެވިފައިވަނީ މިނިސްޓްރީ އޮފް އެޑިޔުކޭޝަނާއި ޑިޕާޓްމަންޓް އޮފް ޕަބްލިކް އެގްޒޭމިނޭޝަންސް އާއި މަޝްވަރާ ކުރުމެއް ނެތި ކަމަށް އެ މިނިސްޓްރީން ބުނެފައި ވެއެވެ.
މީގެ އިތުރުން އެ ނޫސްބަޔާނުގައި ބުނެފައި ވަނީ މިބަދަލާ ގުޅިގެން އެޗް.އެސް.ސީ އިމްތިހާނު ، ދެން ބާއްވާނީ އޭލެވެލް އަދި އޭ.އެސް.ލެވެލް އިމްތިހާނު ނިމުމަށްފަހު އެއްމަސް ފަހުން، 13 ޖޫން އިން 17 ޖޫންގެ ނިޔަލަށް ކަމަށެވެ.
މި ނޫސް ބަޔާން ނެރެފައިވަނީ 2021 ވަނަ އަހަރުގެ މޭ/ޖޫން މަހުގައި ބޭއްވުމަށް ތާވަލު ކުރެވުނު އޭލެވެލް އިމްތިހާނު ހަދަން ހަމަޖެހިފައިވާ ތާރީޚު އަވަސް ކޮށްފައިވާ ކަމަށް އެޑިއުކޭޝަން މިނިސްޓްރީން މީގެ ކުރިން ބުނެފައި ވަނިކޮށެވެ. އޭރު ހަމަޖެހުނީ އޭލެވެލްގެ އެންމެ ފުރަތަމަ އިމްތިހާނު 26 އޭޕްރީލް ގައި ބޭއްވުމަށެވެ.
Ads by STO
