ބޯކޮށް ވާރޭވެހުމުގެ ސަބަބުން ޔޫރަޕުން 100އަށް ވުރެ ގިނަމީހުން މަރުވެއްޖެ
ބޯކޮށް ވާރޭވެހުމުުގެ ސަބަބުން ބިންގަނޑު ކަނޑަައިގެން ގޮސް ހިނގި ފެން ބޮޑުވުމުގެ ހާދިސާތަކުގެ ސަބަބުން ޔޫރަޕްގެ ހުޅަނގު ސަރަހައްދުތަކުން 120 މީހުން މަރުވެއްޖެއެވެ.
މިހާދިސާތަކުގައި 100އަށް ވުރެ ގިނަ މީހުން ވީނުވީ އެއް ނޭނގި ގެއްލިފައިވާކަމަށް ވެސް ޚަބަރުތައް ބުނެއެވެ. އެހެންކަމުން މަރުވި މީހުންގެ އަދަދު އަދިވެސް މައްޗަށް ދާނެ ކަމަށް ލަފާ ކުރެވޭ ކަމަށް އޮފިޝަލުން ބުނެއެވެ. މިހާދިސާތަކުގައި ގެއްލުން ލިބުނު ގައުމުތަކުގެ ތެރޭގައި ޖަރުމަން، ބެލްޖިއަމް، ނެދަލެންޑްސް އަދި ލަކްސަންބާގް ހިމެނެއެވެ.
ވާރޭ ވެހި ފެންބޮޑުވެ ބިންގަނޑު ކަނޑައިގެން ދިޔުމުގެ ސަބަބުން ޖަރުމަނާއި ބެލްޖިއަމްގެ ބައެއް އަވަށްތައް އެއްކޮށް ފެނު އަޑީގައިވާކަމަށް ވެސް ބޭރުގެ މީޑިޔާތަކުން ރިޕޯޓް ކޮށްފައިވެއެވެ. އަދި މަރުވި މީހުންގެ ތެރެިއިން 103 މީހުންނަކީ ޖަރުމަނު މީހުންކަމަށް ވެސް ކަމާބެހޭ ފަރާތްތަކުން ވަނީ ބުނެފައެވެ.
