ރިސޯޓް މުވައްޒިފުންގެ ތެރެއިން ވެކްސިންގެ އެއްވެސް ޑޯޒެއް ނުޖަހާ ތިބީ ތިން އިންސައްތަ މީހުން
ރާއްޖޭގެ ރިސޯޓްތަކުގައި މަސައްކަތް ކުރާ މުވައްޒިފުންގެ ތެރެއިން މިވަގުތު ވެކްސިންގެ އެންމެ ޑޯޒެއް ވެސް ފުރިހަމަ ނުކޮށް ތިބީ ތިން އިންސައްތަ މީހުން ކަމަށް ޓޫރިޒަމް މިނިސްޓްރީން ހާމަކޮށްފިއެވެ.
ޓޫރިޒަމް މިނިސްޓްރީއިން އާންމުކުރި ރިސޯޓް މުވައްޒިފުންގެ ވެކްސިންގެ ތަފާސްހިސާބުން ދައްކާ ގޮތުގައި މުވައްޒިފުންގެ ތެރެއިން 97 އިންސައްތަ މީހުން ވެކްސިންގެ ފުރަތަމަ ޑޯޒް ވަނީ ފުރިހަމަކޮށްފައެވެ. އަދި ވެކްސިންގެ ދެ ޑޯޒް ފުރިހަމަކޮށްފައި ވަނީ ރިސޯޓްތަކުގައި އުޅޭ މީހުންގެ ތެރެއިން 80 އިންސައްތަ މީހުންނެވެ.
ޓޫރިޒަމް މިނިސްޓްރީން އާންމުކުރި ތަފާސް ހިސާބުތައް ދައްކާ ގޮތުން، މި ހިނގާ ޖުލައި މަހުގެ 19 ވަނަ ދުވަހުގެ ނިޔަލަށް ވެކްސިންގެ ފުރަތަމަ 320،887 މުވައްޒަފުން ފުރިހަމަ ކޮށްފައިވާއިރު 259،761 މުވައްޒަފުން ވަނީ ދެވަނަ ޑޯޒް ފުރިހަމަ ކޮށްފައެވެ.
ރާއްޖޭގައި ވެކްސިން ޖެހި މީހުންގެ ޖުމްލަ އަދަދަށް ބަލައިލާއިރު، ރާއްޖޭގެ އާބާދީގެ 320،991 މީހުން ވެކްސިންގެ ފުރަތަމަ ޑޯޒް ފުރިހަމަ ކޮށްފައިވެއެވެ. 2 ވަނަ ޑޯޒް ފުރިހަމަ ކޮށްފައި ވަނީ 260،281 މީހުންނެވެ.
