ބިސް ކާން އެންމެ ރަނގަޅީ ކިހިނެއް؟
ބިހަކީ ދުނިޔޭގެ ހުރިހާ ހިސާބެއްގައި ވެސް ބޮޑު މަގުބޫލުކަމެއް އޮންނަ ކެއުމުގެ ބާވަތެކެވެ. ހާއްސަކޮށް ކުކުޅު ބިހަކީ ހެނދުނުގެ ނާސްތާއަށް ގިނަ ބަޔަކު ބޭނުންކުރާ ބާވަތެކެވެ. ބިސް އެކި ގޮތްގޮތަށް ތައްޔާރުކޮށްގެން އެކި މީހުން ކައި އުޅެއެވެ. ބިސް ކައްކައިގެންނާއި، ބިސްގަނޑު އަޅައިގެން އަދި ސްކްރެމްބަލް ކޮށްގެން ވެސް ބިސް ކައި ހަދައެވެ.
ކޮންމެ ގޮތަކަށް ބިސް ކެއި ނަމަވެސް ބިހަކީ ދުވަހުގެ ކެއުމުގައި ބޭނުންކުރުން މުހިންމު ބާވަތެކެވެ. އެހެން ނަމަވެސް ބިހުން ތައްޔާރުކުރާ ބާވަތުގެ ސަބަބުން އެއިން ޕްރޮޓީން ލިބޭ މިންވަރަށް ބަދަލު އާދެއެވެ.
ޑައިޓީޝަން އަދި ނިއުޓްރީޝަން މާމީ އަގްރްވާލް ވަނީ ބިސް ކެއުން އެންމެ ރަނގަޅު ގޮތް ކިޔައިދީފައެވެ. އެގޮތުން ބިހުގައި ހިމެނޭ އެންމެ މުހިންމު އެއްޗަކީ އޭގެ ޔޯކް ކަމަށް އޭނާ ބުންޏެވެ. އެހެން ނަމަވެސް ބިހުގެ ހުދު ބަޔާ އެކީގައި ކާނަމަ ޕްރޮޓީންއާއި ފެޓް އަދި ކެލެރީޒް ވެސް އެއްވަރަކަށް ހަށިގަނޑަށް ލިއްބައިދޭނެކަމަށް އޭނާ ބުންޏެވެ.
ނިއުޓްރެސީ ލައިފްސްޓައިލްގެ ފައުންޑާ އަދި ނިއުޓްރިޝަނިސްޓް ޑރ. ރޯހިނީ ޕާޓިލް ވަނީ ބިހުގައި ހިމެނޭ މާއްދާތައް ތަފްސީލުކޮށްދީފައެވެ.
- ވިޓަމިން އޭ – 6 އިންސައްތަ
- ވިޓަމިން ބީ5 – 7 އިންސައްތަ
- ވިޓަމިން ބީ12 – 9 އިންސައްތަ
- ފޮސްފަރަސް – 9 އިންސައްތަ
- ވިޓަމިން ބީ2 – 15 އިންސައްތަ
- ސެލީނިއަމް – 22 އިންސައްތަ
ބިސް ކާއިރު ބިހުގައި ހިމެނޭ ބާވަތްތައް މުޅިން އަންދައިލައިގެން ނުކެއުމަށް ޑައިޓީޝަނުން ލަފާދެއެވެ. އަދި މާގިނައި ތެލާއި އެހެނިހެން ވެސް ހަށިގަނޑަށް ގެއްލުން ލިބިދެނިވި ބާވަތްތައް އެއް ނުކުރުމަށް ވެސް ލަފާ ދީފައިވެއެވެ.
Ads by STO
