ކޭލުގެ ސަބަބުން ހަށިގަނޑަށްލިބޭ ފައިދާތައް އެނގޭ ނަމަ މި ބާވަތް ޔަގީނުން ބޭނުންކުރާނެ
ކޭލަކީ ދުނިޔޭގައި އެކި ކަންކޮޅުތަކުގައި ވަރަށް ގިނައިން ބޭނުން ކުރާ މޭވާއެކެވެ. އޭގެ ރަހައާއި އެއިން ލިބޭ ފައިދާތަކުގެ ސަބަބުން ދުނިޔޭގެ އެކި ކަންކޮޅުތަކުގައި އެކި ގޮތްގޮތަށް މި މޭވާ ބޭނުން ކުރެއެވެ. ކޭކު އަދި މަފިން ކަހަލަ އެއްޗެހީގެ ރަހަ ރަނގަޅުކުރުމަށް ދޮންކެޔޮ ބޭނުންކުރެއެވެ.މި ހިމަނައިލަނީ އާންމު ދިރިއުޅުމުގައި ކޭލުން އަޅުގަނޑުމެންނަށް އެހީތެރިވެދޭ ގޮތްތަކެވެ.
ލޭގައި ހަކުރުގެ މިންވަރު ދަށްކޮށްދޭ
ދޮންކޭލުގައި ގިނަ އަދަދަކަށް ސޮލިއުބަލް ފައިބަރު ހުރެއެވެ. ދޮންނުވާ ކޭލުގައި ވެސް ރެސިސްޓެންޓް ސްޓާޗް ހުރެއެވެ، އެކަމަކު މިއީ އަހަރެމެންގެ ހަށިގަނޑުން ހަޖަމު ނުވާ އެއްޗެކެވެ. މި ދެ ބާވަތުގެ ފައިބަރުގެ ސަބަބުން ލޭގައި ހަކުރުގެ މިންވަރު ދަށްކޮށްދެއެވެ. ދުވާލަކު ދެ ވަށް ކެޔޮ ކެއުމުން ވެސް ލޭގެ ޕްރެޝަރު މަތިވުން ދަށްކުރެވިދާނެއެވެ.
ހިތުގެ ދުޅަހެޔޮކަމަށް އެހީވެދޭ
ކޭލަކީ ޕޮޓޭސިއަމްއިން މުއްސަނދި އެއްޗެކެވެ. ޕޮޓޭސިއަމްއަކީ އަހަރެމެންގެ ހިތުގެ ވިންދަށް ވަރަށް މުހިއްމު އަދި ލޭގެ ޕްރެޝަރު ދަށްކުރުމަށް ވެސް އެހީތެރިވެދޭ މާއްދާއެކެވެ. މެދު ސައިޒުގެ ދޮންކެޔޮވަކަކުން އަޅުގަނޑުމެންނަށް ދުވާލަކު ޕޮޓޭސިއަމް ބޭނުންވާ މިންވަރުގެ 10 ޕަސެންޓް ފޯރުކޮށްދެވިދާނެއެވެ.
ހަންގަނޑަށް ފައިދާހުރި މޭވާއެއް
ކޭލުގެ ތޮށްޓަކީ ވެސް ވަރަށް ފައިދާހުރި ބައެކެވެ. ގައިގައި ބިހިނެގުން ނުވަތަ ހަންގަނޑުގެ އިންފެކްޝަންތަކުގެ މައްސަލަ ކުރިމަތިވާ ނަމަ، ގަވާއިދުން ފަސް މިނެޓު ވަންދެން މޫނުމައްޗާއި ހަށިގަނޑުގައި ދޮންކެޔޮ ތޮށިން މަސާޖު ކޮށްލުމުން ރަނގަޅުވާނެއެވެ. އަދި ދޮންކެޔޮ ތޮއްޓަކީ ލޯކައިރި ކަޅުވާ ނަމަ އެކަމަށް ވެސް އޮތް ހައްލެކެވެ. ކޭލުގެ ތޮށި އެލޯވެރާ ޖެލްއާއި އެއްކޮށްލުމަށް ފަހު މުޅި ރޭ ނުވަތަ ގަޑިއެއްހައިއިރު ވަންދެން ލޮލުގެ ދަށުގައި ބަހެއްޓުމުން ލޯކައިރި އަލިވުމަށް އެހީތެރިވެދެއެވެ.
މީހާގެ މޫޑް ރަނގަޅުކޮށްދޭ
ސެރޮޓޮނިންއަކީ މޫޑް ރެގިއުލޭޓު ކުރުމަށް އެހީތެރިވެދޭ މާއްދާއެކެވެ. ސެރޮޓޮނިން ލެވެލްތައް އާދައިގެ ލެވެލްތަކުގައި ހުންނައިރު މީހާ ނަފްސާނީ ގޮތުން އިތުރަށް ސްޓޭބަލްވެ ފޯކަސް ވާކަމުގެ އިހުސާސް ކުރެވެއެވެ. ކޭލަކީ މި ނިއުރޯޓްރާންސްމިޓާ އިތުރުކުރުމަށް އެހީތެރިވެދޭ އެއްޗެކެވެ. މިއީ ސެރޮޓޮނިންއަށް ބަދަލުވާ ޓްރައިޕްޓޮފޭންއިން މުއްސަނދި ވެފައިވާ މޭވާއެކެވެ. މީގެ އިތުރުން ކޭލުގައި ވިޓަމިން ބީ6 އަދި މެގްނީޒިއަމް އެކުލެވިގެންވާއިރު، މިއީ ރަނގަޅަށް ނިދުމަށް ބާރުއަޅާ މާއްދާއެކެވެ.
ބަނޑުގެ އަލްސަރއާއި ދެކޮޅަށް އެހީތެރި ވެދޭ
ކޭލަކީ ބަނޑުގައި ހުންނަ ޕްރޮޓެކްޓިވް މިއުކަސް ބެރިއަރު ބޯކޮށްދޭ މޭވާއެކެވެ. މިކަމުގެ ސަބަބުން ބަނޑުގެ އަލްސާއިން ރައްކާތެރިވުމަށް .އެހީތެރިވެދެއެވެ. އަދި ހަމައެހެންމެ ހައިޑްރޯކްލޮރިކް އެސިޑްގެ ސަބަބުން ލިބޭ ގެއްލުންތަކުން ވެސް ދުރުކޮށްދޭނެއެވެ.
