އައްޑޫ ސިޓީން އިތުރު 123 މީހަކު ކޮވިޑަށް ފައްސި ވެއްޖެ

އައްޑޫ ސިޓީން އިތުރު 123 މީހަކު ކޮވިޑް-19އަށް ފައްސި ވެއްޖެއެވެ.

Ads by Sosun Fihaara

އައްޑޫގެ އިމަޖެންސީ އޮޕަރޭޝަން ސެންޓަރުން ބުނީ، އިއްޔެ 123 މީހަކަށް ބަލި ޖެހުނުއިރު، 3 މީހަކަށް ހޮސްޕިޓަލުގައި އެޑްމިޓްކޮށްގެން ފަރުވާ ދެމުން އަންނަ ކަމަށެވެ.

ވަކި ރަށްތަކަށް ބަލާއިރު، ހިތަދޫއިން 77 މީހަކު ފައްސިވިއިރު، މަރަދޫއިން 13 މީހަކު ފައްސިވިއެވެ. އަދި މަރަދޫފޭދޫއިން 4 މީހަކު ފައްސިވިއިރު، ފޭދޫއިން 12 މީހުން ފައްސިވިއެވެ. މީދޫއިން 3 މީހުން ފައްސިވިއިރު، ހުޅުދޫއިން ފައްސިވީ 14 މީހެކެެވެ.

މިއާއެކު އައްޑޫން މިހައިތަނަށް ކޮވިޑް ޖެހުނު މީހުންގެ އަދަދު ވަނީ 6،228އަށް އަރައިފައެވެ. އޭގެ ތެރެއިން 5،405 މީހަކު ވަނީ ބަލިން ފަސޭހަވެފައެވެ.

އައްޑޫން މިބަލީގައި 15 މީހަކު ނިޔާވެފައި ވެއެވެ.