ބަންދުގައި ބަހައްޓައިގެން ކޯޓަށް ހާޒިރު ކުރުން ބޭނުންވާ މީހަކު ހޯދަނީ
ސިވިލް ކޯޓަށް ހުށަހަޅައިފައިވާ މައްސަލައަކާ ގުޅިގެން އެ ކޯޓަށް ހާޒިރުކުރަން ބޭނުންވެ ހާޒިރުކުރެވިފައި ނުވާ މީހަކު ބަންދުގައި ބަހައްޓައިގެން ކޯޓަށް ހާޒިރުކޮށްދިނުމަށް ފުލުހުންގެ މައްޗަށް ކޮށްފައިވާ އަމުރަކާ ގުޅިގެން، އެމީހާ ހޯދުމުގެ މަސައްކަތް ކުރަމުން އަންނަ ކަމަށް ފުލުހުން ބުނެފިއެވެ.
ފުލުހުންގެ ރަސްމީ ވެބްސައިޓުގައި ބުނެފައިވާ ގޮތުގައި، މި އަމުރާ ގުޅިގެން ހޯދަމުންދަނީ، ކ. މާލެ / މ. ލޫވަރ، އާމިނަތު ލުޠުފީ (51އ)އެވެ.
އާމިނަތު ލުޠުފީ ހޯދަމުން ދަނީ ސިވިލް ކޯޓުގައި ދައުވާކުރާ ހުކުމް ތަންފީޒު ކުރުމުގެ މައްސަލައަކާ ގުޅިގެން އެ ކޯޓަށް ހާޒިރުކުރަން ބޭނުންވެ ހާޒިރުކުރެވިފައި ނުވާތީއެވެ.
އޭނާ ބަންދުގައި ބަހައްޓައިގެން މިއަހަރުގެ ސިވިލް ކޯޓަށް ހާޒިރުކޮށްދިނުމަށް ފުލުހުންގެ މައްޗަށް ވަނީ އަމުރުކޮށްފައެވެ. އެގޮތުން މިމަހުގެ ހަތްވަނަ ދުވަހުގެ 13:15އަށް ކޯޓަށް ހާޒިރު ކޮށްދިނުމަށް ވަނީ އަމުރު ކޮށްފައެވެ.
ފުލުހުން ބުނީ، މި މީހާއާ ބެހޭ އެއްވެސް މައުލޫމާތެއް ލިބިފައިވާ ފަރާތެއްވާ ނަމަ، ލަސްނުކޮށް ފުލުހުންނަށް އެންގުމަށް އެދޭ ކަމަށެވެ.
