ޝަހީދުވެ ދިޔަ ބަޠަލުންގެ ޒިކުރާ އައު ކުރަން: ރައީސް
ޤައުމުގެ ދިފާއުގައި ޝަހީދުވެގެން ދިޔަ ބަތަލުންގެ ޒިކުރާ، މިއަދު އައު ކުރައްވާ ކަމަށް ރައީސް އިބްރާހީމް މުޙައްމަދު ޞާލިޙު ވިދާޅުވެއްޖެއެވެ.
އެމަނިކުފާނު މިފަދައިން ވިދާޅުވީ މިއަދު ފާހަގަކުރަމުން އަންނަ ނަޞްރުގެ ދުވަހުގެ މުނާސަބަތުގައި ކުރެއްވި ޓްވީޓެއްގައެވެ.
ދުވަހުގެ ތަޙުނިޔާ އަރިސް ކުރައްވައި ރައީސް ވިދާޅުވީ ޤައުމުގެ ދިފާއުގައި ޤުރުބާންވެވަޑައިގެން، ޝަހީދުވެެގެން ދިޔަ ބަޠަލުންގެ ޒިކުރާ އައު ކުރައްވާ ކަމަށެވެ.
"މާތްﷲ އެ ބަޠަލުންނަށް ސުވަރުގޭގެ ދާއިމީ ނިޢުމަތް ލައްވާށި. ދިވެހި މިވަޠަން މިނިވަންކަމުގައި އަބަދުމެ ލައްވާށި." ރައީސްގެ ޓްވީޓުގައިވެއެވެ.
ނަޞްރުގެ ދުވަހާ ގުޅިގެން އެމްއެންޑީއެފުން ވަނީ "އައްޑަނަ"ގެ 32 ވަނަ ޢަދަދު، މިއަދު ޝާޢިއުކޮށްފައެވެ.
ނަޞްރުގެ ދުވަހުގެ ގޮތުގައި ފާހަގަ ކުރަނީ، 1998 ވަނަ އަހަރުގެ ނޮވެމްބަރުމަހުގެ ތިން ވަަނަ ދުވަހު، ރާއްޖެއަށް ބޭރުގެ ބަޔަކު އަރައި ދިން ނުރައްކާތެރި ހަމަލާއިން ދިވެހީންނަށް ކާމިޔާބު ލިބުން ފާހަގަ ކުރުމުގެ ގޮތުންނެވެ. މިދުވަހަށް "ބަޑި ބުރާސްފަތި"ވެސް ކިޔައެވެ.
