ތޭރަ ކިލޯގެ މަސްތުވާތަކެތީގެ މައްސަލައިގައި ހިމެނޭ މީހުންގެ ބަންދަށް 15 ދުވަސް
ފުލުހުން ހިންގި އޮޕަރޭޝަނެއްގައި އަތުލައިގަތް 13 ކިލޯގެ މަސްތުވާތަކެތީގެ މައްސަލައިގަ ހައްޔަރު ކުރި މީހުންގެ ބަންދަށް 15 ދުވަސް ޖަހައިފިއެވެ.
މި އޮޕަރޭޝަނުގައި ހަ މީހަކު ހައްުޔަރު ކޮށްފައިވެެއެވެ. ބުރާސްފަތި ދުވަހުގެ ރޭގެ ވަގުތެއްގައި ހުޅުމާލޭގައި އާއި މާލޭގައި ހިންގި މި އޮޕަރޭޝަންގައި 13.56 ކިލޯގެ މަސްތުވާތަކެއްޗާއި 644،020 ރުފިޔާ އަތުލައިގަތެވެ.
ފުލުހުންގެ މީޑިއާ އޮފިޝަލް މިއަދު ވިދާޅުވީ އެ މައްސަލައިގަ ހައްޔަރު ކުރީ ދިވެހި ހަ ފިރިހެނުން ކަމަށެވެ. އެ އެންމެންގެ ބަންދަށް ކްރިމިނަލް ކޯޓުން ފަނަރަ ދުވަސް ޖަހައިދީފައިވާ ކަމަށެވެ.
މި މައްސަލައިގެ ތަހުގީގާއި ގުޅޭގޮތުން ފުލުހުން އިތުރު މައުލޫމާތު އަދި ހާމައެއް ނުކުރައްވައެވެ.
ޕޮލިސް ކޮމިޝަނަރ މުޙައްމަދު ހަމީދު ވިދާޅުވީ މަސްތުވާތަކެއްޗާ ދެކޮޅަށް ފުލުހުން ކުރަމުން އަންނަ މަސައްކަތް ވާނީ އިތުރަށް ވަރުގަދަ ކަމަށެވެ. އަދި ފާއިތުވި ހަތަރު އަހަރުގެ ތެރޭގައި ޑްރަގް ޓްރެފިކިންގެ މައްސަލަަތައް މަދު ކުރުމުގައި ބޮޑެތި ކާމިޔާބީތަކެއް ހޯދުނު ކަމަށްވެސް ސީޕީ ވިދާޅުވިއެވެ.
