ބަޖެޓާ ގުޅޭގޮތުން ދައްކަނީ އަސްލެއް ނެތް ވާހަކަތަކެއް: އަޙުމަދު
އަންނަ އަހަރަށް ލަފާކޮށް ރައްޔިތުންގެ މަޖިލީހަށް ހުށަހެޅި ބަޖެޓާ ގުޅޭގޮތުން ދެކެވޭ ނޭދެވޭ ވާހަކަތަކުގެ އަސްލެއް ނެތް ކަމަށް ރައްޔިތުންގެ މަޖިލީހުގެ ބާރަށު ދާއިރާގެ މެމްބަރު އަޙްމަދު އަބްދުﷲ ވިދާޅުވެއްޖެއެވެ.
އަޙްމަދު މިހެން ވިދާޅުވެފައިވަނީ ސަންގު ޓީވީގެ ޕްރޮގްރާމެއްގައި ދެއްކެވި ވާހަކައިގައެވެ.
އަހުމަދު ވިދާޅުވީ، ބަޖެޓާއި ގުޅޭ ހުރިހާ މަޢުލޫމާތުތަކަކީ ބަޖެޓު ފޮތް މެދުވެރިކޮށް އެންމެހާ ރައްޔިތުންނަށްވެސް ސާފުކޮށް ފެންނަން އޮތް އެއްޗެއް ކަމަށާއި، އަންނަ އަހަރުގެ މބަޖެޓަކީ އެންމެ ބޮޑު ބަޖެޓުކަމަށް ބުނެ ވާހަކަތައް ދެކެވެމުންދިޔަ ނަމަވެސް ކޮންމެ އަހަރަކުވެސް ފާސްކުރަމުންދަނީ އޭގެ ކުރީ އަހަރަށްވުރެ ބޮޑު ބަޖެޓެއް ކަމުގައެވެ.
އަޙުމަދު ވިދާޅުވީ މީހަކު ދައްކާހާ ވާހަކައެއް ރައްޔިތުން ޤަބޫލު ނުކުރާނެ ކަމަށާއި، ރައްޔިތުންނަކީ މިއަދު ކަމުގެ ހަޤީޤަތް ބަލާ ބައެއް ކަމަށެވެ. އޭނާ ވިދާޅުވީ ބަޖެޓު ފޮތް އޮތީ ހާމައަށް ފެންނަން ކަމަށާއި، އެއީ ބަލައިލި ކޮންމެ މީހަކަށްވެސް ފެންނާނެ އެއްޗެއް ކަމަށެވެ.
ދައުލަތުން މަޖިލީހަށް ހުށަހެޅި، 42.6 ބިލިއަން ރުފިޔާގެ ބަޖެޓެކެވެ. ބަޖެޓު ދިރާސާ ކުރުމަށް މަޖިލީހުގެ މާލިއްޔަރު ކޮމިޓީއާއި، އިޤްތިޞާދީ ކޮމޮޓީން އެކުވެގެން އުފެއްދި ބަޖެޓު ކޮމިޓީއިން ބަޖެޓް ދިރާސާ ކުރުމަށްފަހު ތަޅުމަށް ފޮނުވީ، ބަޖެޓަށް އިތުރު 160 މިލިއަން ރުފިޔާ އިތުރުކޮށް ޖުމްލަ 42.8 ބިލިއަން ރުފިޔާ އަންނަ އަހަރުގެ ބަޖެޓުގެ ގޮތުގައި ފާސް ކުރުމަށެވެ.
