އެސްޓީއޯއަށް 58 އަހަރު: އަގުހުރި އިނާމުތަކެއް ލިބޭ ދެ ޕްރޮމޯޝަނެއް
އަގުހުރި އިނާމުތަކެއް ލިބޭ ދެ ޕްރޮމޯޝަނެއް އެސްޓީއޯއިން މިއަދު ފަށައިފިއެވެ.
އެ ކުންފުންޏަށް 58 އަހަރު ފުރުމާ ގުޅިގެން އެ ކުންފުނިން ވަނީ ''އަށުވަންނަ'' އިގެ ނަމުގައި އެއްހަފުތާގެ މުއްދަތަށް ސޯޝަލް މީޑިއާގައި ކުރިއަށްގެންދާ ޕްރޮމޯޝަނެއް މިއަދު ފަށައިފައެވެ. އެ މުއްދަތުގައި ކޮންމެ ދުވަހަކު ވެސް ސުވާލެއް ޢާންމުކުރާނެއެވެ. އަދި ރަނގަޅު ޖަވާބުދޭ ފަރާތްތަކުގެ ތެރެއިން 58 ފަރާތަކަށް އަގުހުރި އިނާމުތަކެއް ލިބޭނެއެވެ.
މީގެއިތުރުން އެސްޓީއޯގެ ފިހާރަތަކުގައި މިހާރު ކުރިއަށްދާ ސޭލްއިން ކުރާ ކޮންމެ ވިޔަފާރިއަކަށް ކޫޕަނެއް ލިބޭނެއެވެ. އެ ފަރާތްތަކުގެ ތެރެއިން ނަސީބުވެރި 58 ފަރާތެއް ހޮވައި އިނާމު ދޭނެއެވެ.
އަތިރީ މާފަންނުގޭ ޓްރޭޑިންގ އެކައުންޓް (އޭޓީއޭ) ނުވަތަ މިހާރުގެ އެސްޓީއޯގެ ވިޔަފާރި ފެށުނީ 1964 ގައެވެ. އެ ކުންފުނީގެ ހަޔާތުގައި ހޭދަވި 58 އަހަރުގައި އެ ކުންފުނިން ތަފާތު ވިޔަފާރިތަކަށް ވަދެ ވަނީ ފުޅާކޮށްފައެވެ.
