ވ.އަތޮޅުން ފެނުނު ހަށިގަނޑުން ސާމްޕަލް ނަގައި ވަޅުލައިފި
ވ. އަތޮޅު ކަނޑުން ޖެނުއަރީ މަހު ފެނުނު ހަށިގަނޑުން ސާމްޕަލް ނެގުމަށްފަހު ވަޅުލާފައިވާ ކަމަށް ފުލުހުން ވިދާޅުވެއްޖެއެވެ.
ވ. އަތޮޅު ވެމްޕަރު ފަޅު ހުޅަނގު އުތުރު ކަނޑުން އިންސާނެއްގެ ހަށިގަނޑު ފެނިފައިވަނީ މިދިޔަ މަހުގެ ދެ ވަނަ ދުވަހުއެވެ.
އެ ހަށިގަނޑު ގެއްލުނުއިރު، ފުލުހުން ދިޔައީ ގެއްލުނު ދެ މީހަކު ހޯދަމުންނެވެ. އެގޮތުން ގެއްލިގެން ހޯދަމުން ގޮސްފައިވަނީ ގދ. ތިނަދޫ / މަނާރު، އުމުރުން 45 އަހަރުގެ މުޙައްމަދު ނިޒާމް އާއި ބަންގްލަދޭޝް ރައްޔިތެއް ކަމުގައިވާ އުމުރުން 35 އަހަރުގެ މޮހައްމަދު ލިޓަން ނަމަކަށް ކިޔާ މީހެކެވެ.
އޭގެތެރެއިން ނިޒާމް ފަހުން މާލެއިން ފެނިފައިވާއިރު ފުލުހުން ވަނީ، މަރުގެ މައްސަލައެއްގެ ތުހުމަތުގައި ކޯޓު އަމުރެއްގެ ދަށުން އޭނާ ހައްޔަރުކޮށް ބަންދު ކޮށްފައެވެ.
މިކަމާ ގުޅިގެން ފުލުހުން މިއަދު ވިދާޅުވީ، އެ ހަށިގަނޑުން ފުލުހުންގެ ތަހުގީގަށް ބޭނުންވާ ސާމްޕަލް ނެގުމަށްފަހު ހަށިގަނޑު ވަޅުލާފައިވާ ކަމަށެވެ. އަދި މައްސަލަ ބަލަމުން އަންނަ ކަަމަށްވެސް ވިދާޅުވިއެވެ.
