ބަލިވެ އިނދެ ހުރިހާ ރޯދައެއް ހިފުމުން، ސަނާއަށް މީޑިއާގެ ސަމާލުކަން!

އަލަތު ދަރިފުޅަށް ބަލިވެ އިނދެ، ކުރީގެ ބަތަލާ ސަނާ ޚާން، ހުރިހައި ރޯދައެއް ހިފުމުން މީޑިއާތަކުގެ ސަމާލުކަން ވަނީ އެކަމަށް ހުއްޓިފައެވެ.

Ads by MWSC

ފިލްމީ ދުނިޔެ ދޫކޮށް، އިސްލާމްދީނުގެ އުސޫލުތަކާ އެއްގޮތަށް ދިރިއުޅުން ބައްޓަން ކުރުމަށް މަސައްކަތް ކުރަމުން އަންނަ، އުމުރުން 34 އަހަރުގެ ސަނާ ކައިވެނި ކޮށްގެން އުޅެނީ، ވިޔަފާރިވެރިޔާ މުފްތީ އަނަސް ސަޢީދުއާއެވެ.

ސަނާ ބުނީ، އޭނާގެ ތިމާގެ ކުދިން، ބަލިވެ އިނދެ ރޯދަ ހިފާ މަންޒަރު ފެނުމުން، އެކަން އޭނާއަށް ނުވާނެ ކަމަށް ކުރިން ހީކުރެވުނު ކަމަށެވެ. ފިރިމީހާއާއި ޢާއިލާގެ މެމްބަރުންވެސް އޭނާއަށް ރޯދަ ހިފިދާނެ ކަމާމެދު ޝައްކެއްގެ މަތީގައި ތިބި ކަމަށް ސަނާ ކިޔައިދިނެވެ.

ސަނާ ބުނީ، އޭނާ އަށް ޕްރެގްނެންސީގެ ފުރަތަމަ ހަ މަސް ދުވަސް ވަރަށް އުނދަގޫ ކަމަށާއި، އެހެންނަމަވެސް ފަހުން ލުއި ލިބި، ކާހިތްވާ އެއްޗެހި ވެސް މަދުވުމުން، އެއީ ރޯދަ ހިފަން ލިބިގެން ދިޔަ ފަސޭހައަކަށް ވީ ކަމަށެވެ.

އަދި މާބަނޑު އަންހެނަކު ރޯދަ ހިފުމަކީ، ދެ މީހަކު ރޯދަ ހިފުން ފަދަ ކަމެއް ކަމަށް، ބައެއް މީހުން ބުނެ އުޅޭ ކަމަށްވެސް ސަނާ ކިޔައިދިނެވެ.