ޗާގޯޯސް މައްސަލައިގައި ނައިބު ރައީީސް: މިއީ ލިބުނު ފަޚުރަކާ ކާމިޔާބީއެއް
ޗާގޯސް މައްސަލައިގައި އިއްޔެ އިޓްލޮސްއިން ނިންމި ނިންމުމަކީ ރާއްޖެއަށް ލިބުނު ބޮޑު ފަޚުރަކާއި ކާމިޔާބީއެއްކަމަށް ނައިބު ރައީސް ފައިސަލް ނަސީމް ވިދާޅުވެއްޖެއެވެ.
ރާއްޖެއާއި މޮރިޝަސްގެ އިން ވަކިކުރުމުގެ މައްސަލައިގައި އިޓްލޮސްއިން ރާއްޖެއިން ވަކާލާތު ކުރި ގޮތަށް ނިންމުމާ ގުޅިގެން، ނައީސް ފައިސަލް ކުރެއްވި ޓްވީޓެއްގައި ވިދާޅުވީ ރާއްޖޭގެ ދެކުނުގެ އިން ވަކިކުރުމުގެ މައްސަލާގައި، ރާއްޖެއަށް ފައިދާވާ ގޮތަށް އިޓްލޮސްއިން ނިންމި ނިންމުމަކީ ރާއްޖެއަށް ލިބުނު ވަރަށް ބޮޑު ކާމިޔާބީއެއްކަމަށެވެ.
ނައިބު ރައީީސް ވަނީ މި ފަޚުރުވެރި ކާމިޔާބީއަށްޓަކައި ރައީސް އިބްރާހީމް މުޙައްމަދު ޞާލިޙަށާއި، މިކަމުގައި މަސައްކަތްކުރެއްވި ހީވާގި ޓީމަށް މަރުހަބާ ދަންނަވައިފައެވެ.
ޖަރުމަނުގެ ހެމްބާގުގައި ހުންނަ އިޓްލޮސްގެ މައި އޮފީހުގައި އިއްޔެ މެންދުރު ފަހު ރާއްޖެ ގަޑިން ދޭއް ޖެހިއިރު އިއްވި ޙުކުމްގައި ބުނީ ރާއްޖެ އާއި ޗާގޯސްއާ ދެމެދުގައިވާ ފުށުއަރާ ކަނޑުގެ ސަރަހައްދު ބެހުމުގައި ބަލަން ޖެހޭނީ ރާއްޖޭން ވަކާލާތުކުރި ގޮތަށް ޗާގޯސްގެ އައްސޭރިފަށުން ފެށިގެން ކަމަށެވެ.
މޮރިޝަސްގެ ފަރާތުން ހުށަހަޅާފައިވާ ހުށަހެޅުމުގައި ބޭސް ޕޮއިންޓް ކަނޑައަޅަން ފަށާނެ ހިސާބަކީ ތިލަ ދިޔަވަރުގައި ފެންނަން އޮތް ބްލެންހެމް ރީފް އިން ފެށިގެން ކަމަށް ވަނީ ބަޔާންކޮށްފައެވެ. އެހެންނަމަވެސް މި ފަރުގެ ހިކިދިޔައިގައި ފެންނަން ހުންނަ ހިސާބަކީ، އިކުއިޑިސްޓެންސުން ބަހާއިރު މިން އެޅޭނެ ބޭސްއެއް ނޫންކަމަށް ވަނީ ނިންމާފައެވެ.
ރާއްޖޭގެ ހުށައެޅުމުގައި ފޯޅަވަހީގެ ޚާއްޞަ އިޤްތިޞާދީ ސަރަޙައްދު ފާހަގަކޮށްފައި ނުވާތީ މޮރީޝަސްއިން ވަނީ އެކަމަށް އިއުތިރާޒްކޮށް ރާއްޖެއިން ހުށައަޅާފައިވާ ސަރަހައްދާއި އެޤައުމުގެ ކަނޑުގެ ސަރަޙައްދާއި ފުށުއަރާކަމަށް ބުނެފައެވެ. އަދި އައްޑު އަތޮޅުއާއި ފޯޅަވައްސާއި ދެމެދުގައިވާ ކަނޑުގެ ސަރަހައްދާއި މެދު ވަކިގޮތަކަށް އެއްބަސްވުމަށްވެސް މޮރީޝަސްއިން ވަނީ ރާއްޖެއަަށް ގޮވާލާފައެވެ.
މިއާއެކު މޮރިޝަސް އިން ހުށައެޅީ ފުށުއަރާ 95،600 އަކަ ކިލޯމީޓަރު ދެ ބަޔަށް ބަހާލުމަށެވެ. އެއީ ރާއްޖެއަށް 47،172 އަކަކިލޯމީޓަރު އަދި މޮރިޝަސްއަށް 48،458 އަކަ ކިލޯމީޓަރު ލިބޭ ގޮތަށެވެ.
ތީ ލިބުނުފަޚުރެއްނޫން ވަގުސިޓީލިޔެ ރައްޔިތުންގެ މުދަލަށް ޚިޔާނަތްތެރިވުމުގެ މިސާލެއް ބޮޑެތި ޣައްދާރުން ތީ ހެޔޮ ވެރިކަމެއް ނުކުރެވުން ފައިބާންވީ