ސާބިއާއާއި ރާއްޖެއާ ދެމެދު އެއްބަސްވުންތަކެއްގައި ސޮއިކޮށްފި

ސާބިއާއާއި ދިވެހިރާއްޖެއާ ދެމެދު މުހިންމު އެއްބަސްވުންތަކެއްގައި ސޮއި ކޮށްފިއެވެ.

Ads by Hajj Corporation

މި އެއްބަސްވުންތަކުގައި ސޮއި ކުރައްވައިފައިވަނީ، ރާއްޖޭގެ ފޮރިން މިނިސްޓަރު ޝާހިދު، އެ ޤައުމަށް ކުރެއްވި ރަސްމީ ދަތުރުފުޅުގެ ތެރެއިންނެވެ.

ފޮރިން މިނިސްޓްރީން ވިދާޅުވީ، ޝާހިދު އެ ޤައުމަށް ކުރެއްވި ދަތުރުފުޅުގެ ތެރެއިން، ވިޔަފާރިއާއި، އިޤްތިޞާދީ ދާއިރާއިންނާއި، ވައިގެ ދަތުރުފަތުރުގެ ދާއިރާއިންނާއި، ތަޢުލީމީ، އަދި ކުޅިވަރުގެ ދާއިރާއިންވެސް، ދެ ޤައުމުގެ ގުޅުން ބަދަހި ކުރުމާ ބެހޭ އެއްބަސްވުންތަކުގައި ސޮއި ކުރެއްވި ކަމަށެވެ.

މި އެއްބަސްވުންތަކުގެ ސަބަބުން، ދެ ޤައުމުގެ ގުޅުން ވަރަށް ބޮޑަށް ބަދަހި ވެގެންދާނެ ކަމަށް ފޮރިން މިނިސްޓްރީން ވިދާޅުވެއެވެ.