އާބިދާގެ ހަނދާނުގައި ތައުޒިޔާގެ ދަފްތަރެއް ހުޅުވައިފި

ފޮރިން މިނިސްޓްރީގައި ދިގު މުއްދަތެއްގައި ޚިދުމަތް ކުރެއްވި އާބިދާ އަޙްމަދުގެ ހަނދާނުގައި، އެ މިނިސްޓްރީން ތައުޒިޔާގެ ދަފްތަރެއް ހުޅުވައިފިއެވެ.

Ads by STELCO

ފޮރިން މިނިސްޓްރީން ރޭ ވިދާޅުވީ، އާބިދާގެ ހަނދާނުގައި ތައުޒިޔާގެ ދަފްތަރެއް މި މަހުގެ 14 އިން 18 އަށް ރަސްމީ ކޮންމެ ދުވަހެއްގެ ހެނދުނު 10:00 އިން 14:00 އަށް އެ މިނިސްޓްރީގެ އަލްއަމީރު ޙަސަން ފަރީދު މާލަމުގައި (ގްރައުންޑް ފްލޯ) ގައި ހުޅުވިފައި ހުންނާނެ ކަމަށެވެ.

އާބިދާ އަކީ ދިވެހި ސަރުކާރަށް 40 އަހަރަށް ވުރެ ގިނަ ދުވަހު އަގުހުރި ޚިދުމަތްތަކެއް ކޮށްދެއްވާފައިވާ ކަނބަލެކެވެ.

އާބިދާ ނިޔާވީ މި މަހުގެ އަށް ވަނަ ދުވަހުއެވެ. އާބިދާ ނިޔާވިއިރު، އުމުރުން 66 އަހަރެވެ.