އަފްޝަންގެ އިސްތިއުފާއާއިއެކު ރައީީސް ނަޝީދު: ގެއްލިގެން އެ ދިޔައީ މަސައްކަތްތެރި ކަނބަލެއް
ލޯކަލް ގަވާމަންޓް އޮތޯރިޓީ (އެލްޖީއޭ)ގެ ސީއީއޯގެ މަޤާމުން އަފްޝަން ލަތީފު އިސްތިއުފާ ދެއްވުމުން، "ސަރުކާރަށް ގެއްލިގެން އެ ދިޔައީ މަސައްކަތްތެރި ހީވާގި އަދި ޤާބިލު ކަނބަލެއް" ކަމަށް ސަރުކާރު ހިންގާ މައި ޕާޓީ، އެމްޑީޕީގެ ރައީސް އަދި ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ.
އަފްޝަންގެ އިސްތިއުފާއާއެކު ނަޝީދު ވަނީ އަފްޝަންއަށް ތަޢުރީފު ކުރައްވާފައެވެ.
ރައީސް ނަޝީދު ވިދާޅުވީ ގޮންޖެހުންތަކާ ފިއްތުންތަކުގެ ތެރެއިން ލާމަރުކަޒީ ނިޒާމް ކާމިޔާބު ކުރުމަށް ކުރެއްވި މަސައްކަތަށް ވަކީން ޚާއްސަ ޝުކުރެއް އަފްޝަންއަށް އަދާ ކުރައްވާ ކަމަށެވެ. އަދި އަފްޝަންއަށް ކާމިޔާބަށް އެދިވަޑައިގެންފައިވެއެވެ.
"އަފްޝަން ގެ އިސްތިއުފާއާއެކު ސަރުކާރަށް ގެއްލިގެން ދިޔައީ ވަރަށް މަސައްކަތްތެރި ހީވާގި އަދި ޤާބިލު އެއް ބޭފުޅާ،" ރައީސް ނަޝީދު ވިދާޅުވިއެވެ.
ލޯކަލް ކައުންސިލްތައް ރެގިއުލޭޓް ކުރާ އިދާރާ، އެލްޖީއޭގެ ސީއީއޯގެ މަގާމަށް އަފްޝަން އައްޔަންކުރެއްވީ ޖޫން 9، 2020 ގައެވެ.
އަފްޝަން ހުންނެވި ސަރުކާރުގެ މަޤާމުން އިސްތިއުފާދެއްވިއިރު، އެސްޓީއޯގެ މެނޭޖިން ޑިރެކްޓަރުގެ މަޤަަމުގައި ހުންނެވި އޭނާގެ ފިރިކަލުން ހުސެއިން އަމްރު ވަނީ މާޗު މަހުގެ ތެރޭގައި އެ މަޤާމުން ވަކިކޮށްފައެވެ.
މިދިޔަ ޖެނުއަރީ މަހު ބޭއްވި އެމްޑީޕީގެ ރިޔާސީ ޕްރައިމަރީގައި އަމްރު އަދި އަފްޝަންވެސް ތާއީދުކުރެއްވީ އެ ޕާޓީގެ ރައީސް ނަޝީދަށެވެ.
އަދި, އެ ޕްރައިމަރީ ނަޝީދަށް ނާކާމިޔާބު ވުމާއެކު ޕާޓީގެ ތެރޭގައި އުފެއްދި ފިކުރެއްގެ ދިރުން ކޯލިޝަނުން ސަރުކާރާ ދެކޮޅަށް ކުރަމުންދާ މަސައްކަތްތަކުގެ އިސް ސަފުގައި އަމްރު ދަނީ ހަރަކާތްތެރިވަމުންނެވެ.
Ads by STO
