ތޫނު އެއްޗަކުން ހަމަލާދީ ޒަޚަމް ކޮށްލި މީހާ މަރުވެއްޖެ
އައްޑޫ މަރަދޫ ފޭދޫގައި ތޫނު އެއްޗަކުން ހަމަލާދީ، މީހަކު މަރައިލައިފިއެވެ.
Ads by Hajj Corporation
އޭނާ މަރުވީ، ހޮސްޕިޓަލްގައި ފަރުވާ ދެމުން އަންނަނިކޮށް މިއަދު މަރުވެއްޖެއެވެ.
މި ހާދިސާގައި މަރުވީ އެ އަވަށު ބްލޫ ސްޓާ އަހުމަދު ޝުއައިބް، 27، އެވެ.
އޭނާ މަރުވީ ހަށިގަނޑުގެ އެކި ތަންތަނަށް ވަޅި ހެރުމާ ގުޅިގެން ލިބުނު ސީރިއަސް ގެއްލުންތަކަށް އައްޑޫ އިކްއެޓޯރިއަލް ހޮސްޕިޓަލް (އޭއީއެޗް) ގައި ފަރުވާ ދެމުން ދަނިކޮށެވެ.
މި މާރާމާރީގައި ޒަހަމްވި މީހާ މަގުމަތީގެ ޕޭވްމަންޓް މައްޗަށް ވެއްޓިފައި އޮންނަ މަންޒަރު ފެންނަ ވީޑިއޯއެއް ވެސް ސޯޝަލް މީޑިއާގައި އާންމުވެފައިވާ އިރު، ތޫނު އެއްޗަކުން ވަރަށް ބޮޑަށް ޒަހަމްކޮށްލުމުން އޭނާ ހޮސްޕިޓަލަށް ގެންދިޔަ އިރު ވެސް އޮތީ ލެއިން ތަތްތެޅިފައެވެ.
ފުލުހުން ވިދާޅުވީ، މި ހާދިސާގެ ރިޕޯޓް ލިބުނީ 12:00 ޖަހަން އުޅެނިކޮށް ކަމަށާއި އެ މައްސަލަ މިހާރު ތަހުޤީޤު ކުރަމުން އަންނަ ކަމަށެވެ.
Ads by STO
