ޑިމޮކްރެޓްސް ޕާޓީ އުފައްދަން ހުއްދަ ދީފި
ދަ ޑިމޮކްރެޓްސް ޕާޓީ އުފައްދަން ހުއްދަ ދީފިއެވެ.
މިކަން ހާމަކޮށްފައިވަނީ އީސީގެ ނައިބު ރައީސް މިއަދު ކުރެއްވި ޓްވީޓެއްގައެވެ.
“"ދަ ޑިމޮކްރެޓްސް"ގެ ނަމުގައި ސިޔާސީ ޕާޓީއެއް އުފެއްދުމަށް، ޖަލްސާ ބޭއްވުމުގެ ހުއްދަ، ޖުލައި 2 ވާ އާދީއްތަ ދުވަހު ދިނުމަށް، އިލެކްޝަންސް ކޮމިޝަނުން ނިންމާފައިވާނެ” އީސީގެ ނައިބު ރައީސް ހަބީބް ކުރެއްވި ޓްވީޓެއްގައި ވިދާޅުވިއެވެ.
ޑިމޮކްރެޓްސް އަކީ ރައީސް މުޙައްމަދު ނަޝީދަށް ތާއީދު ކުރައްވާ ފަރާތްތައް ގުޅިގެން އުފައްދާ ސިޔާސީ ޕާޓީއެކެވެ. އެމްޑީޕީގެ ރިޔާސީ ޕްރައިމަރީން ރައީސް ނަޝީދަށް ލިބިވަޑައިގެންނެވި ނާކާމިޔާބީއަށް ފަހުގައި، އެ ޕާޓީގެ ތެރޭގައި ދެ ފެކްޝަން އުފެދި، ރައީސް ނަޝީދުގެ ފަޅީގައި ތިއްބެވި މެމްބަރުން އެންމެ ފަހުން އެމްޑީޕީ ދޫކޮށްލެއްވީއެވެ.
ޑިމޮކްރެޓްސްގެ ފަރާތުން މި އަހަރުގެ ރިޔާސީ އިންތިޚާބުގައި ކެންޑިޑޭޓަކު ނެރެން ނިންމައިފައިވާއިރު، އެ ބޭފުޅަކީ ރައީސް ނަޝީދަށް ވުމުގެ ފުރުސަތު ބޮޑެވެ.
