ގޯތި ދޫކުރުމަށް ހުޅުމާލޭގެ އިތުރު ބައެއް ހިއްކަނީ
މާލެ ސަރަހައްދުން ގޯތި ދޫކުރުމަށް ހުޅުމާލެއިން އިތުރު ބައެއް ހިއްކުމުގެ މަސައްކަތް ކުރެވޭނެ ކަމަށް ޕްލޭނިން މިނިސްޓަރު މުޙައްމަދު އަސްލަމް ވިދާޅުވެއްޖެއެވެ.
މާލެ ސަރަޙައްދުން ގޯތި ދޫކުރުމާ ގުޅޭގޮތުން މިއަދު ބޭއްވި ނޫސްވެރިންގެ ބައްދަލުވުމުގައި މިނިސްޓަރު އަސްލަމް ވިދާޅުވީ، މާލޭ ސަހަރައްދުން ގޯތި ދޫކުރުމަށް ހަމަޖެހިފައިވަނީ ގިރާވަރުންނާއި، ގުޅީފަޅުންނާއި ހުޅުމާލެއިންނެވެ.
މިނިސްޓަރު އިތުރަށް ވިދާޅުވީ ހުޅުމާލެއިން އިތުރުކުރެވޭ ބިމާއެކު 1،500 ގޯތި ދޫކުރެވޭނެ ކަމަށެވެ.
މިއަދު އާންމު ކުރި ވަގުތީ ލިސްޓާއި ގުޅިގެން ޝަކުވާ ހުށަހެޅުމަށް ބޭނުންވާ ފަރާތްތަކުން "ގެދޮރުވެރިން ޕޯޓަލް" މެދުވެރިކޮށް ޝަކުވާ ހުށަހެޅުމުގެ ފުރުސަތު އަންނަ މަހުގެ 15 ގެ ނިޔަލަށް އޮންނާނެއެވެ.
ޕްލޭނިން މިނިސްޓަރު އަސްލަމް ވިދާޅުވީ މި ޕްރޮގްރާމަށް 15،164 ފޯމް ހުށަހެޅި ކަމަށެވެ.
އޭގެތެރޭގައި ޖޮއިންޓް އެޕްލިކޭޝަންތަކާއިއެކު 23،088 މީހަކު ފޯމު ހުށަހެޅި ކަމަށް އަސްލަމް ވިދާޅުވިއެވެ. އޭގެ ތެރެއިން ޝަރުތު ހަމަވީ 12،794 ފޯމް ކަމަށާއި އޭގެ ތެރޭގައި ހިމެނެނީ 19،857 މީހުން ކަމަށް އަސްލަމް ވިދާޅުވިއެވެ.
މިއަދު ގެޒެޓްކޮށްފައިވަނީ އޭގެ ތެރެއިން 10،314 މީހަކަށް ލިބޭ ގޯއްޗެވެ.
މީއަސްލަމުގެ އާއިލާއައް ގޯތިދޭން ހިއްކާތަނެއް
ލޮލައފެނީމަތާ