މަފާޒު އަނެއްކާވެސް ބަންދުން ދޫކޮށްލައިފި
ހއ. ތަކަންދޫ، އިބްރާހީމީ ހިޔާ، ނަދީމް އަބްދުއްރަހީމް މަރާލި ކަމުގެ ތުހުމަތުން ސަލާމަތްވި ގ. ޝާރާޒް، މުހައްމަދު މަފާޒު ހުސައިން ސަލީމް އަނެއްކާވެސް ބަންދުން ދޫކޮށްލައިފިއެވެ.
މަފާޒަކީ ހއ. ތަކަންދޫ/ އިބްރާހީމީ ހިޔާ، ނަދީމު އަބްދުއްރަހީމް (ނަޑޭ) މަރާލި މައްސަލައިގައި ދައުވާކޮށް އެ މައްސަލަ ސާބިތުނުވުމުން ދޫކޮށްލާފައިހުރި މީހެކެވެ.
އެ މައްސަލަ ސާބިތު ނުވުމުން މަފާޒު ބަންދުން ދޫކޮށްލާފައިވަނިކޮށް ފުލުހެއްގެ ގައިގާ ޖެހި ކަމުގެ ތުހުމަތުގައި އޭނާ ހައްޔަރުކުރިއެވެ. އެ މައްސަލާގައި ބަންދުގައި ހުރުމަށްފަހު ދޫކޮށްފައި ހުއްޓާ މަޖީދީ މަގު ޑައިންމޯ ކައިރީގައި ތޫނު ހަތިޔާރު ބޭނުންކޮށްގެން މާރާމާރީ ހިންގަން އުޅުނު ބަޔަކު ހައްޔަރުކުރިއިރު އެމީހުންގެ ތެރެއިން މަފާޒް އަނެއްކާވެސް ހައްޔަރުކުރިއެވެ.
މަފާޒުގެ ބަންދަށް ދެ ފަހަރު 15 ދުވަސް އިތުރުކުރުމަށްފަހު އޭނާގެ ބަންދާ މެދު ތިންވަނަ ފަހަރަށް ގޮތެއް ނިންމުމަށް ކޯޓަށް ހާޒިރުކުރުމުން ކްރިމިނަލް ކޯޓުން ވަނީ އޭނާ ދޫކޮށްލާފައެވެ.
