ހިޔާލު ތަފާތު ވިޔަސް، ގުޅުންތައް ހަރުދަނާ ކުރަން ޖެހޭ: ރައީސް ނަޝީދު
ޚިޔާލު ތަފާތުވިޔަސް އާއިލީ އަދި ރަޙްމަތްތެރިކަމުގެ ގުޅުންތައް ހަނދާން ކުރުމަށް ރައްޔިތުން މަޖިލީހުގެ ރައީސް، ރައީސް މުޙައްމަދު ނަޝީދު އިލްތިމާސް ކުރައްވައިފިއެވެ.
އެމަނިކުފާނު މިގޮތަށް އިލްތިމާސް ކުރައްވައިފައި ވަނީ، ހިޖުރީ އައު އަހަރާއި ގުޅިގެން މިރޭ ކުރެއްވި ޓްވީޓެއްގައެވެ.
ރައީސް ނަޝީދު ވިދާޅުވީ، ހިޖުރީ އައު އަހަރާއި ދިވެހިން ބައްދަލުކުރީ ސިޔާސީ ހަލަބޮލިކަމެއްގެ ތެރޭގައި ތިއްބާ ކަމަށެވެ.
ސިޔާސީ ޚިޔާލު ތަފާތުވުންތައް ހުރި ނަމަވެސް، އާއިލީ ގުޅުމާއި ރަހުމަތްތެރިކަމުގެ ގުޅުންތައް ހަނދާންކޮށް، މިއަހަރަކީ ބާއްޖަވެރި އަދި އުފާ ފާގަތި އަހަރަކަށް ވުމަށް ރައީސް ނަޝީދު ވަނީ އެދިވަޑައިގެންފައެވެ.
ނަޝީދު މިފަދައިން ވިދާޅުވިއިރު ހިޖުރީ އައު އަހަރާއި ގުޅިގެން ރައީސް އިބްރާހީމް މުޙައްމަދު ޞާލިޙު ފޮނުއްވި މެސެޖުގައި ވެސް އެދިވަޑައިގެންނެވީ ހަސަދަވެރިކަމާއި ދުރުވެ، އެއްބައިވަންތަކަން އިސް ކުރުމަށެވެ.
ޞޯލިހެއް ކަމަކު ދެން މީދާ ބައިގަނޑާ ނުގުޅޭތި ނަމަ ނަމަ.