އިންޑިއާ-ޔޫކޭ ޓްރޭޑް މަޝްވަރާތަކަށް ކުރިއެރުން
މިނިވަން ވިޔަފާރީގެ އެއްބަސްވުމެއް (އެފްޓީއޭ) އާ ގުޅޭ ގޮތުން އިނގިރޭސިވިލާތާއި އިންޑިއާއާ ދެމެދު ކުރިއަށް ގެންދާ މަޝްވަރާތައް ހަލުވިވެފައިވީ ނަމަވެސް އެއްބަސްވުމެއް ގާއިމުކުރުމަށް ހިދުމަތްތަކާއި ޓެރިފްތަކާ ބެހޭ ގޮތުން އިތުރު މަސައްކަތްތަކެއް ކުރަން ޖެހިފައިވާ ކަމަށް މަޝްވަރާތަކާ ގުޅުން ހުރި އިނގިރޭސި ވިލާތުގެ މަސްދަރަކުން ރޮއިޓާސް އަށް ވިދާޅުވި އެވެ.
ޔޫރަޕިއަން ޔޫނިއަން (އީޔޫ) އިން ވަކިވުމަށް ފަހު މިނިވަން ވިޔަފާރީގެ ގައުމެއްގެ ހައިސިއްޔަތުން އެ ގައުމުގެ ސަނަދު ސާބިތުކޮށްދިނުމަށް މަސައްކަތް ކުރަމުން ދަނިކޮށް އިނގިރޭސިވިލާތުން އިންޑިއާއާއެކު މިނިވަން ވިޔަފާރީގެ މަޝްވަރާތައް ފެށީ މިދިޔަ އަހަރުގެ ޖެނުއަރީ މަހުގެ ތެރޭގަ އެވެ.
މަޝްވަރާތައް މިއަހަރުގެ ކުރީކޮޅު ހުއްޓިފައިވާއިރު، މަޝްވަރާތައް ކުރިއަށް ދާނަމަ ސިޔާސީ ގޮތުން އިތުރު މައްސަލަތަކެއް ކުރިމަތިވެދާނެ ކަމުގެ ބިރު ހީވެފައި ވަނިކޮށް، މުހިންމު ގިނަ ދާއިރާތަކުން ކުރިއެރުން ހޯދުމުގައި ދެ ފަރާތުން ވަނީ ދަތިތަކެއް ކުރިމަތިވެފަ އެވެ. އަންނަ އަހަރު ދެ ގައުމުގައި ވެސް އިންތިހާބެއް ބޭއްވޭނެ ކަމަށް ބެލެވެ އެވެ.
ނަމަވެސް މި ހަފުތާގެ ތެރޭގައި އެގާރަ ވަނަ ބުރުގެ މަޝްވަރާތައް ނިމުމާއެކު މޮމެންޓަމް ރަނގަޅުވެފައިވާ ކަމަށާއި، މަޝްވަރާކުރާ ފަރާތްތަކަށް ވިޔަފާރީގެ ގޮތުން ނާޒުކު މައުޟޫއުތަކަށް އެނބުރި ދިއުމުގެ ފުރުސަތު ފަހިވެގެން ގޮސްފައިވާ ކަމަށާއި އެއީ ހައްލު ކުރަން އެންމެ އުނދަގޫ ކަމަކަށް ވެދާނެ ކަމަށް އެ އޮފިޝަލް ވިދާޅުވި އެވެ.
"އެންމެ ފަހު ބުރުގެ ތެރޭގައި އެ ވާހަކަތައް ވަރަށް ބޮޑަށް ހޫނުވެ، ބާރު ގަދަވެގެން ދިޔަ، އެހެން ނަމަވެސް އަދިވެސް ވަރަށް ދިގު ރާސްތާއެއް އެބައޮތް، އެކި ބާވަތްތަކުގެ ހިދުމަތްތަކާއި ޓެރިފްތަކާ ބެހޭ ގޮތުން،" އޮފިޝަލް ވިދާޅުވި އެވެ.
"މިއީ ނިމުމަކަށް ދިއުމުގެ ރޭހެއްގެ ވާހަކައެއް ނޫން - އެއީ ކުރިއަށް އޮތް އަހަރުތަކާއި އަހަރުތަކުގައި ވެސް އަޅުގަނޑުމެންނަށް ފައިދާ ކުރާނެ އުންމީދީ އެއްބަސްވުމެއް ގެއަށް ގެންދިއުމެވެ.
ކުރީގެ ބޮޑުވަޒީރު ބޮރިސް ޖޯންސަންގެ އުއްމީދީ ޓައިމްލައިންތައް ފުނޑުފުނޑުވުމާ ގުޅިގެން މިހާރުގެ އިނގިރޭސި ލީޑަރު ރިޝީ ސުނަކް ވަނީ ރަނގަޅު އެއްބަސްވުމެއް ހެދުމަށް ވަގުތު ނަގާނެ ކަމަށް ވިދާޅުވެފައެވެ.
Ads by STO
