ސަރުކާރު މުވައްޒަފުން ގޭގައި މަސައްކަތް ކުރެވޭނެ ޕްލޭނެއް އެކުލާވަލަނީ

މިގޮތުން އެ މިނިސްޓްރީން އިސް ނަގައިގެން މިއަދު ވަނީ އެކި މިނިސްޓްރީތަކުގެ އިންފޮމޭޝަން ޓެކްނޮލޮޖީ (އައިޓީ) ޑިޕާޓްމެންޓުތަކުގެ އިސްވެރިންނާއި އެކު ބައްދަލުވުމެއް ބާއްވާފައެެވެ. އެ ބައްދަލުވުމުގައި ކޮމިއުނިކޭޝަން މިނިސްޓަރު މަލީހް ޖަމާލް ވިދާޅުވީ ކުއްލި ހާލަތުގައިވެސް މަސައްކަތް ކުރެވޭނެ ގޮތެއް ހަމަޖައްސަން ރައީސް ސޯލިހް އަންގަވާފައިވާ ކަމަށެވެ. އަދި އެކަމުގެ އަމަލީ މަސައްކަތް ފަށާފައިވާކަމަށް މަލީހް ވިދާޅުވިއެވެ.

މަލީހް ވިދާޅުވީ ގޮތުގައި އަދި، އެންސީއައިޓީއިން އަމަލުކުރާނެ ގޮތެއް ކަނޑައެޅިފައިނުވެއެވެ. އަދި މުސްތަޤްބަލުގައި މިނިސްޓްރީގެ ވިސްނުން ހުރީ ހުރިހާ އިދާރާއެއްގެ ބޭފުޅުން ވަޑައިގެން މުޅި ރާއްޖޭގައި ކޮމިއުނިކޭޝަން އެމަޖެންސީ ޕްލޭނެއް ތައްޔާރުކުރުން ކަމަށް މަލީހް ވިދާޅުވިއެވެ.

ކޮރޯނާ ވައިރަސް އާއި ގުޅިގެން ސަރުކާރުގެ އެކި އިދާރާތަކުން ތަފާތު ފިޔަވަޅުތައް އަޅަމުންދާއިރު މިހާތަނަށް ރާއްޖެއިން ހަ މީހަކު ވަނީ މި ވައިރަސްއަށް ޕޮޒިޓިވް ވެފައެވެ.