ސެމީ ކޮންޑަކްޓަރުގެ ދުނިޔޭގައި އިންޑިއާއިން ބާރަކަށް ވެދާނެތަ?
އިންޑިއާއިން އަމިއްލަ އަށް އުފައްދާ ސެމިކޮންޑަކްޓަރު އުފެއްދުމުގެ ސިނާއަތެއް ބާރުވެރިކުރުމަށް އިނާޔަތްތަކެއް އިއުލާނުކޮށް ގައުމީ މިޝަނެއް ފެށިތާ ދޮޅު އަހަރެއްހާ ދުވަސް ވެފައިވާއިރު، ކުރިއެރުންތައް ވަނީ ސްލެޕްޑޭޝްވެފަ އެވެ.
ހުޅަނގުގެ ސްޓޭޓެއް ކަމަށްވާ ގުޖުރާތުގެ އެސެމްބްލީ އަދި ޓެސްޓް ފެސިލިޓީއެއްގައި ގާތްގަނޑަކަށް 3 ބިލިއަން ޑޮލަރު (2.3 ބިލިއަން ޕައުންޑް) އިންވެސްޓް ކުރާނެ ކަމަށް އެމެރިކާގެ މައި ކުންފުނި މައިކްރޯން އިން އިއުލާން ކުރިތާ ދުވަސްތަކެއް ފަހުން ޓައިވާނުގެ ޓެކް ކުންފުނި ފޮކްސްކޮން އިން ވަނީ އިންޑިއާގެ ވެދާންތާއާ އެކު އެ ގައުމުގައި ޗިޕް އުފައްދާ ޕްލާންޓެއް އެޅުމަށް 19.5 ބިލިއަން ޑޮލަރުގެ ޖޮއިންޓް ވެންޗާއިން ވަކިވެފަ އެވެ.
އަދި އިތުރު ދެ ކުންފުންޏެއްގެ ޕްލޭންތައް ހުއްޓިފައިވާ ކަމަށް އެ ގައުމުގެ މީޑިއާތަކުން ބުނެ އެވެ.
ނަމަވެސް މޯދީގެ ސަރުކާރުން 10 ބިލިއަން ޑޮލަރުގެ އިނާޔަތްތަކާ އެއްވަރަށް ޗިޕް އުފައްދާ ކުންފުނިތަކުން އަގު ބޮޑު އިންވެސްޓްމަންޓަކަށް އިންތިޒާރު ކުރަމުން އަންނައިރު، ޓެކްނޮލޮޖީޕާޓްނަޝިޕްތަކެއް އުފައްދައި، މި ސިނާއަތް ހަރުދަނާ ހަރުފަތަކަށް ގެންދިއުމަށް ދަނީ މަސައްކަތް ކުރަމުންނެވެ.
ސެމިކޮންޑަކްޓަރ ސަޕްލައި ޗެއިންތަކުގައި ބައިލެޓަރަލް ކޯލަބަރޭޝަން އިތުރުކުރުމަށް އެމެރިކާ އޮން ކްރިޓިކަލް އެންޑް އިމަރޖިންގ ޓެކްނޮލޮޖީ (އައިސީއީޓީ) އާއެކު ވެފައިވާ އެއްބަސްވުމަށްފަހު އިންޑިއާއިން ވަނީ މިދިޔަ ހަފުތާގައި ޖަޕާނާއެކު މިފަދަ އެއްބަސްވުމެއްގައި ސޮއިކޮށްފައެވެ.
ވަކިން ހާއްސަކޮށް އިންޑިއާގެ ތިން ސްޓޭޓަކުން ވަނީ މި ދާއިރާއިން އިންވެސްޓްމަންޓްތައް ހޯދުމުގެ މަގުސަދުގައި ވަކިވަކި ސިޔާސަތުތަކެއް އިއުލާނުކޮށްފަ އެވެ.
ދީލަތި ސަބްސިޑީތަކާއި ހަރުދަނާ ޕޮލިސީ ޕުޝްގެ ސަބަބުން މި ދާއިރާ ކުރިއަށް ގެންދިއުމަށް ސްޕްރިންގްބޯޑެއް އުފެދިފައިވާއިރު، ޓެކްނޮލޮޖީ ގެނައުމަކީ އިންޑިއާ އުފެއްދުންތެރިކަމުގެ ހަބެއްގެ ގޮތުގައި އުފެދުމުގައި މުހިންމު ކަމެއް ކަމަށް ކާނެގީ އިންޑިއާގެ ފެލޯ ކޮނާކް ބަންޑާރީ ވިދާޅުވި އެވެ.
