މަސްތުވާތަކެއްޗާއެކު ކުޑަކުއްޖަކާއި އަންހެނަކު ހައްޔަރުކޮށްފި

ފުލުހުން ހިންގި އޮޕަރޭޝަންތަކެއްގައި މަސްތުވާތަކެއްޗާއެކު ކުޑަ ކުއްޖަކާއި އަންހެނަކު ހައްޔަރު ކޮށްފި އެވެ.

Ads by Hajj Corporation

ފުލުހުން ބުނީ ތ. ތިމަރަފުއްޓާއި އައްޑޫސިޓީ ހިންގި ދެ އޮޕަރޭޝަނެއްގައި މަސްތުވާތަކެތި ހޯދައި 18 އަހަރުން ދަށުގެ ފިރިހެން ކުއްޖަކާއި، 29 އަހަރުގެ އަންހެނަކު ހައްޔަރު ކޮށްފައިވާ ކަމަށެވެ. އެ ދެ މީހުންނަކީ ވެސް ދިވެހިންނެވެ.

މި ދެ މީހުންގެ ތެރެއިން ކުޑަ ފިރިހެން ކުއްޖާ ހައްޔަރު ކޮށްފައި ވަނީ މި މަހުގެ 17 ވަނަ ދުވަހު އައްޑޫންނެވެ. އެ ކުއްޖާ ދިރިއުޅުނު ގެ ކޯޓު އަމުރެއްގެ ދަށުން ބަލައި ފާސްކުރިއިރު މަސްތުވާ ތަކެއްޗާއި ބަނގުރާކަމަށް ބެލެވޭ އެއްޗެއްހުރި ފުޅިތަކެއް ފެނުނެވެ. އަދި މަސްތުވާ ތަކެތިކަމަށް ޝައްކުކުރެވޭ އެއްޗެއްހުރި 17 ރަބަރު ޕެކެޓާއި ބަނގުރާކަމަށް ބެލެވޭ އެއްޗެއްހުރި 500 އެމްއެލްގެ ނުވަ ފުޅި ފެނިފައި ވެއެވެ.