އުތުރުތިލަފަޅު ހިއްކައި ގޯތި ދޭނަން: އުމަރު
އަމިއްލަ ގޮތުން ރިޔާސީ އިންތިހާބުގައި ވާދަ ކުރައްވާ އުމަރު ނަސީރުގެ ވެރިކަމެއްގައި އުތުރުތިލަފަޅަކީ އިންޑިއާ ސިފައިންގެ ބަނދަރަކަށް ނުވާނެ ކަމަށާއި، އެތަން ހިއްކައި ގޯތި ދޫކުރައްވާނެ ކަމަށް އޭނާ މިއަދު ވިދާޅުވެއްޖެއެވެ.
ސޯޝަލްމީޑިއާގައި މިއަދު ކުރެއްވި ޕޯސްޓެއްގައި އުމަރު ވިދާޅުވީ ސަރުކާރުން ގޯތި އަދި ފްލެޓް ދޫކުރުމަށް އިއުލާނު ކުރައްވާފައިވާ ލިސްޓަށް އޭނާ ބަދަލެއް ގެންނަން ވިސްނާތޯ ބައެއް ފަރާާތްތަކުން ސުވާލު އުފައްދާ ކަމަށާއި، ސަރުކާރަކުން، ރައްޔިތުންނާ ސިދާ ގުޅުން ހުރި މިފަދަ ކަމެއްގައި ގޮތެއް ނިންމަވާ، އިޢުލާން ކުރައްވާފައިވާ ލިސްޓަކަށް ބަދަލު ގެނައުމަކީ ދެން އަންނަ ސަރުކާރަކުން އެއްގޮތަކަށްވެސް ކޮށްގެން ވާނެ ކަމެއް ނޫން ކަމަށެވެ.
"ވީމާ، މި ސަރުކާރުން އިޢުލާން ކުރައްވާފައިވާ ލިސްޓަށް ބަދަލެއް ނުގެނެސް، ހަމަ އެލިސްޓަށް އެ ގޯތި ތަކާ ފްލެޓް ދޫކުރެވޭނެއެވެ. އަދި އޭގެ އިތުރުން އުތުރު ތިލަފަޅު ހިއްކާ، ގޯތި ދޫކުރެވޭނެއެވެ. (އަޅުގަޑުގެ ވެރިކަމެއްގައި އުތުރު ތިލަފަޅަކީ އިންޑިޔާ ސިފައިންގެ ބަދަރަކަށް ނުވާނެއެވެ.)" އުމަރުގެ ޕޯސްޓުގައިވެއެވެ.
އުމަރު އިތުރަށް ވިދާޅުވީ މިހާރު މުއްދަތު އޮތް ގޮތުން، މި ސަރުކާރުން ގޯތި ދިނުމަށް ވެފައިވާ ވަޢުދު ފުއްދުމަށް ދެން ވަގުތު ލިބޭނެ ކަމަށް އޭނާއަށް ފެނިވަޑައިނުގަންނަވާ ކަމަށެވެ. އުމަރު ވިދާޅުވި ގޮތުގައި އެ ވައުދު ފުއްދަވާނީ އޭނާއެވެ.
ޙުވަފެން ނުބަލާށެވެ
ޢުމަރާ ކަލޭ ހޮވިއްޖެއްޔާ ކިތަންމެހައިވެސް ރަނގަޅު. އެކަމަކު ތިގޮތަށް އެކަނި ނުކުމެ ނުހޮވޭނެކަން އެއީ ކަށަވަރުކަމެއް. ވީމާ ތީ ބޭކަރު މަސައްކަތެއް. ކޮންމެވެސް ބޮޑު ޕާޓީއަކުން ނުކުމެގެން ކުރިމަތިލާނެ ދުވަހެއް ދައްކަވާށި!