ރަހީނުކުރުމުގެ މައްސަލައެއްގައި ހައްޔަރު ކުރި ބިދޭސީ މީހާގެ ބަންދުގެ މުއްދަތު އިތުރުކޮށްފި

މީހަކު ރަހީނު ކުރި މައްސަލައެއްގެ ތުހުމަތުގައި ހައްޔަރުކުރި ބިދޭސީއެއްގެ ބަންދުގެ މުއްދަތު ކްރިމިނަލް ކޯޓުން އިތުރުކޮށްފިއެވެ.

Ads by STELCO

މި މައްސަލައިގައި ހިމެނެނީ، ޤަވާއިދާ ޚިލާފަށް ރާއްޖޭގައި އުޅޭ ބަންގްލަދޭޝް މީހެއް ކަމަށްވާ 37 އަހަރުގެ މުހައްމަދު އާރިފް ހޮސައިން އެވެ. އޭނާގެ ބަންދަށް ކްރިމިނަލް ކޯޓުން ދީފައިވަނީ 15 ދުވަހެވެ.

ފުލުހުން ވަނީ އޭނާއާ ދެކޮޅަށް ވީޑިއޯ ފުޓޭޖެއް ހެކީގެ ގޮތުގައި ހުށަހަޅައިފައެވެ.

މިމައްސަލަ ފުލުހުން ދަނީ އިތުރަށް ތަހުޤީޤު ކުރަމުންނެވެ.

މި އަހަރުގެ އޯގަސްޓް މަހުގެ ތެރޭގައި ވެސް މާލޭގެ ގެއެއްގައި މީހަކު ރަހީނުކުރި މައްސަލައެއްގައި ދިވެއްސެއް ހައްޔަރުކޮށްފައިވެއެވެ.