ރާއްޖެއާ ތުރުކީއާ ދެމެދު މިނިވަން ވިޔަފާރީގެ އެއްބަސްވުމެއް އެކުލަވާލަނީ
ރާއްޖެއާއި ތުރުކީއާއި ދެމެދު މިނިވަން ވިޔަފާރީގެ އެއްބަސްވުމެއް އެކުލަވާލުމުގެ މަސައްކަތް ސަރުކާރުން ފަށައިފިއެވެ.
އިކޮނޮމިކް މިނިސްޓަރ މުހައްމަދު ސައީދު ރޭ އެކްސްގައި ކުރެއްވި ޕޯސްޓެއްގައި ވިދާޅުވީ، ރައީސުލްޖުމްހޫރިއްޔާ ޑރ. މުހައްމަދު މުއިއްޒު ތުރުކީއަށް ކުރެއްވި ދަތުރުފުޅަށްފަހު ދެގައުމުގެ ދޭތެރޭ ވިޔަފާރީގެ ގުޅުންވަރުގަދަ ކުރުމަށް ގިނަމަސައްކަތްތަކެއް ކުރެވެމުންދާ ކަމަށެވެ. އެގޮތުން، މިހާރުކުރިއަށްދަނީ ދެގައުމުންއެކަށައަޅާ ހާއްސަ ބައެއްމުދާ އެކުލެވޭ މިނިވަންވިޔަފާރީގެ އެއްބަސްވުމެއް އެކުލަވާލުމުގެ މަސައްކަތް ކަމަށެވެ.
މިދިޔަ އަހަރުގެ ނޮވެމްބަރު މަހު ރައީސުލްޖުމްހޫރިއްޔާ ތުރުކީއަށް ކުރެއްވި ރަސްމީ ދަތުރުގައި އެގައުމުގެ ރައީސް އާއި ބައްދަލުކުރެއްވިއެވެ.
އަދި އެ ދަތުރު ނިންމާލެއްވުމަށްފަހު ރައީސް އެކްސްގައި ކުރެއްވި ޕޯސްޓެއްގައި ވަނީ ރާއްޖެއާއި ތުރުކީގެ ގުޅުމުގެ އައު ބާބުގެ ނަތީޖާއަކަށް ވެގެންދާނީ މިހާރަށް ވުރެ މާ ފުޅާދާއިރާއެއްގައި އެއް ގައުމުން އަނެއް ގައުމަށް އެއްބާރުލުންދީ ދެ ގައުމުގެ ގުޅުން އިތުރަށް ހަރުދަނާވުން ކަމަށް ވިދާޅުވެފައެވެ.
Ads by STO
