މެނިފެސްޓޯ ތަންފީޒުކުރަން 200 އަށްވުރެ ގިނަ ބިލު ފާސްކުރަން ޖެހޭ: ރައީސް
މި ސަރުކާރުގެ މެނިފެސްޓޯ ހިމެނޭ ކަންކަން ތަންފީޒުކުރަން ރައްޔިތުންގެ މަޖިލީހުން 200 އަށް ވުރެ ގިނަ ބިލު ފާސްކުރަން ޖެހޭ ކަމަށާއި، އެކަން ވާނީ ސަރުކާރުގެ ކެންޑިޑޭޓުން އިންތިހާބުކޮށްގެން ކަމަށް ރައީސް ޑރ. މުހައްމަދު މުއިއްޒު މިރޭ ވިދާޅުވެއްޖެއެވެ.
ހުޅުމާލެ ދެވަނަ ފިޔަވަހީގެ ރައްޔިތުންނަށް ބައްދަލުކުރައްވާ ވާހަކަފުޅު ދައްކަވަމުން ރައީސް ވިދާޅުވީ، ބިމާ ބެހޭ އާ ބިލަކާއި، ބޯހިޔާވަހިކަމާއި ބެހޭ ހާއްސަ ބިލެއްގެ އިތުރުން ރިއަލް އެސްޓޭޓާއި ބެހޭ ބިލެއް މަޖިލީހަށް ހުށަހެޅުމަށް ސަރުކާރުން ނިންމާފައިވާ ކަމަށެވެ.
އަދި އޭގެ އިތުރުން ވެރިރަށް މާލެ ސިޓީ ކަހަލަ ތޮއްޖެހިފައި ހުންނަ ތަންތަނަށް ހާއްސަކޮށް އެކުލަވާލާނެ ގާނޫނުތަކެއްވެސް ހިމެނޭ ކަމަށް ރައީސް ވިދާޅުވިއެވެ.
އެފަދަ ބިލްތަކާއި މިފަދަ އެތަށް ކަމެއް ހިމެނޭ ގޮތަށް މުޅި މެނިފެސްޓޯގައި ހުރި މިހުރިހާ ވައުދެއް ފުއްދުމަށް 200 އަށް ވުރެ ގިނަ އިސްލާހާ، އާ ބިލުތައް ފާސްކުރުމަށް މަޖިލީހުގެ އެހީތެރިކަން ބޭނުންވޭ،"
ރައީސް ވަނީ އެކަންކަން ތަންފީޒުކުރުމަށް ސަރުކާރު ކެންޑިޑޭޓުން އިންތިހާބުކުރުމަށް އެދިވަޑައިގެންފައެވެ. މިރޭގެ ޖަލްސާގައި ރައީސް ވަނީ އެމަނިކުފާނުގެ ސަރުކާރުން މަޝްރޫއުތައް ހުއްޓާލާފައިވާ ކަމަށް ބުނެ އިިދިކޮޅު އެމްޑީޕީން ދައްކަމުންދާ ވާހަކަތަކަށް ރައްދު ދެއްވާފައެވެ.
