ޕާކިސްތާނުގައި ނުކިޔަވާ މީހުންގެ އަދަދު މަތީގައި
ޕާކިސްތާނުގެ ތައުލީމީ ކާރިސާއަކީ ހައިރާންކުރުވަނިވި ގޮތެއްގައި ގިނަ އަދަދެއްގެ ކުދިން ސްކޫލަށް ނުދާ ކުދިންނާއި، އުނގެނުމުގެ ނަތީޖާ ވަރަށް ދަށްވުމާއި، ކާމިޔާބީގެ ފަރަގުބޮޑުވުމާއި، މުދައްރިސުންގެ އެކަށީގެންވާ މަސައްކަތެއް ނުކުރެވި ގެންދިޔުން ކަމަށް ޑރ.ސަކަރިޔާ ކަރީމް ލިޔުއްވާފައިވެއެވެ.
ދާދި ފަހުން ނޯބެލް ސުލްހައިގެ އިނާމު ހާސިލްކުރެއްވި މަލާލާ ޔޫސުފްޒާއީ ވަނީ ޕާކިސްތާނުގެ ތައުލީމީ ކާރިސާއާ މެދު ކަންބޮޑުވުން ފާޅުކުރައްވައިފަ އެވެ. ޕާކިސްތާނުގެ ބޮޑުވަޒީރު ޝަހްބާޒް ޝަރީފަށް އެކަމަނާ ފޮނުއްވި ސިޓީގައި ވިދާޅުވެފައިވަނީ މިވަގުތު ޕާކިސްތާނުގެ ފަގީރު ޑިސްޓްރިކްޓްތަކުގެ 26 މިލިއަން ކުދިން ސްކޫލަށް ނުދާ ކަމަށެވެ. މީގެ އިތުރުން ދެ ލައްކައަށް ވުރެ ގިނަ ޓީޗަރުންގެ ޖާގަ މުޅި ގައުމުގައި ވަނީ ހުސްވެފައި."
"މި ފަރަގުގެ ސަބަބުން ސްކޫލްތަކުގެ ހިންގުމަށް ވަރަށް ބޮޑަށް އަސަރުކޮށް، ދަރިވަރުން ހިފެހެއްޓުމަށާއި، ސްކޫލްތަކުގެ ކިޔެވުމުގެ ކޮލިޓީއަށް ނޭދެވޭ އަސަރުކުރަމުން އެބަދޭ. އަޅުގަނޑުމެންގެ އެންމެންގެ އަމާޒަކަށް ވާންޖެހޭނީ ތިޔަ ބޭފުޅުންގެ ދައުރުގެ ތެރޭގައި މި އަދަދުތައް ވަރަށް ބޮޑަށް ދަށަށް ގެނައުމަށް ޓަކައި މެނޭޖްކުރެވޭ، ރިއަލިސްޓިކް ޕްލޭނެއް ފަރުމާކުރުން،" އެކަމަނާ ވިދާޅުވި އެވެ.
ޕާކިސްތާނުގެ ތައުލީމީ ދާއިރާއަށް ކުރިމަތިވެފައިވާ ހީނަރުކަމުގެ މައްޗަށް މަލާލާ ގެ ސިޓީފުޅުން އަލިއަޅުވާލެއްވި ނަމަވެސް، އެ ގައުމުގައި ސްކޫލަށް ނުދާ ކުދިންގެ ހަގީގީ އަދަދު 28 މިލިއަނަށް އަރައެވެ. ސްކޫލަށް ނުދާ ކުދިން ވައްދާނެ ކަމަށް އެކި ސަރުކާރުތަކުން ބޮޑެތި ވާހަކަތައް ދެއްކި ނަމަވެސް، އެފަދަ ކުދިންގެ އަދަދު ދަނީ ބާރު ސްޕީޑެއްގައި އިތުރުވަމުންނެވެ.
ޕާކިސްތާނުގެ ތައުލީމީ ކާރިސާއަކީ ހައިރާންކުރުވަނިވި ގޮތެއްގައި ސްކޫލަށް ނުދާ ކުދިންނާއި އުނގެނުމުގެ ނަތީޖާ ވަރަށް ދަށްވުމާއި، ކާމިޔާބީގެ ފަރަގުބޮޑުވުމާއި، މުދައްރިސުންގެ މަސައްކަތަށް އެކަށީގެންވާ މިންވަރަށް މަސައްކަތް ނުކުރުމެވެ.
